Regjistrimet te "Luarasi", rektori: Rritje me 110%, maturantët kanë besim
Stafi akademik, në gatishmëri të të rinjve: Dokumentacioni që duhet të plotësoni Ethem Ruka: Bëni zgjedhjen e duhur për të ardhmen profesionale
Universiteti "Luarasi" ka nisur ditën e djeshme regjistrimet e maturantëve të shpallur fitues gjatë raundit të parë të aplikimeve për vitin e ri akademik 2019- 2020. Studentët më të rinj të regjistruar në Fakultetin e Drejtësisë, Fakultetin Ekonomik apo atë të Teknologjisë së Informacionit dhe Inovacionit janë njohur me kurrikulat dhe auditorët, duke qenë të bindur se zgjedhja e tyre e parë do të garantojë suksesin në të ardhmen. Sipas statistikave të publikuara nga stafi i këtij institucioni arsimor të lartë, studentët e rinj kanë një nivel të lartë. Rektori i universitetit, prof. dr. Ethem Ruka, thekson se numri i regjistrimeve këtë vit është rritur 110% krahasuar me vitin e kaluar. "Ecuria e regjistrimeve ka qenë e shkëlqyer për ' Lurasin'. Krahasuar me një vit më parë, ' Luarasi' ka një rritje që është befasuese për mua. Deri tani kemi më shumë se 110% regjistrime në raport me vitin e kaluar. Ky është fryt i besimit që kanë shqiptarët dhe maturantët te ' Luarasi'", - tha Et'hem Ruka, rektor i "Lurasit".
PROCESI I REGJISTRIMIT
Përgjatë gjithë muajit shtator, por jo vetëm, stafi akademik i universitetit "Luarasi" do të jetë në gatishmëri të studentëve, duke ofruar çdo lloj informacioni mbi kurrikulat e programit që ata kanë përzgjedhur si dhe do t'i orientojë ata mbi hapat që duhet të ndjekin për procesin e regjistrimit. "Po mundohemi të krijojmë të gjitha kushtet sa më të përshtatshme për të pritur maturantët. Tavolinat janë të ndara sipas fakulteteve, procedurat janë standarde në të gjitha universitetet. Ne po mundohemi që brenda të gjitha këtyre rregullave të mos i mërzisim ata që vijnë, t'u krijojmë mjedis miqësor dhe ata të mbarojnë punë sa më shpejt", - tha prof. dr Ethem Ruka. Më tej, ky i fundit u ka bërë thirrje studentëve që të bëjnë zgjedhjen e duhur për të ardhmen e tyre profesionale. "Sigurisht që kanë mundësi zgjedhjeje, se ka shumë sh
kolla të larta, por ' Luarasi' është një ndër katër universitet më të mira të Shqipërisë, me besueshmëri shumë të lartë. E them me bindje se ne dimë t'i përzgjedhim maturantët ashtu siç duhet. Tregu sot është shumë konkurrues, ka një mënyrë për të ecur përpara, ajo është cilësia. Fjala cilësi është sinonim i universitetit ' Luarasi'. E them këtë me bindje për të gjithë ata që nuk kanë vendosur ende të bëjnë zgjedhjen e tyre, të mos hezitojnë, mund të shikojnë edhe universitetet e tjera, por jam i bindur se në fund ata do të regjistrohen te ' Luarasi'", - thekson rektori i universitetit.
KRITERET
Maturantët që dëshirojnë të ndjekin studimet e larta në një prej 3 fakulteteve që ofron "Luarasi" duhet të plotësojnë disa kritere. Së pari, të interesuarit duhet të kenë përfunduar arsimin e mesëm dhe të zotërojnë diplomën e shkollës së mesme ku kanë përfunduar studimet. Gjithashtu, kandidatët duhet të plotësojnë kriterin e notës mesatare mbi 6 ( përjashtohen këtu studentët që aplikojnë për studime të larta profesionale), si dhe nuk duhet të rezultojnë të regjistruar në një program tjetër studimi.
DOKUMENTACIONI
Të interesuarit mund të paraqesin pranë sekretarisë mësimore të universitetit "Luarasi" dokumentacionin e përcaktuar. Respektivisht, kandidatët duhet të dorëzojnë një kopje të noterizuar të diplomës së shkollës së mesme ( e njëjësuar nga MASR në rast se studenti ka mbaruar jashtë vendit), një kopje të mjetit të identifikimit si dhe dy fotografi. "Mos hezitoni të na kontaktoni për pyetje apo paqartësi lidhur me procesin e pranimit në të gjitha programet dhe ciklet e studimit që ofron KU ' Luarasi'. Ju mirëpresim!", - thekson stafi i universitetit.
PROGRAMET MASTER
"Luarasi" ofron programe jo vetëm për ciklin të parë të sudimeve bachelor në fushën e teknologjisë, por edhe në ciklin e dytë master. Universiteti do të ofrojë masterin profesional për Sigurinë Kibernetike dhe Informacionin si dhe masterin shkencor për Teknologjinë e Informacionit dhe Inovacionit. Këto programe kanë për qëllim të sigurojnë një lidhje organike mes teknologjisë së informacionit dhe biznesit. Në mbarim të këtij cikli, të diplomuarit do të kenë mundësi jo vetëm të identifikojnë nevojat e biznesit, por të propozojnë edhe zgjidhje mbështetur në këto teknologji të kohës. Universiteti "Luarasi" po u afrohet çdo ditë e më shumë nevojave të tregut, duke përgatitur profesionistë në programet më të kërkuara aktualisht. Për t'u gjendur sa më pranë studentëve, institucioni elitar i arsimit të lartë ofron edhe 3 mastera profesionalë
në Fakultetin Ekonomik. Përkatësisht tre degët në ciklin e dytë të studimeve janë Marketing dhe Reklamë, Financë dhe Menaxhim Risku si dhe Kontabilitet. Fakulteti Ekonomik në universitetin "Luarasi" ofron për studentët edhe dy mastera shkencorë shumë të rëndësishëm; përkatësisht për Banka dhe Tregje Financiare dhe Menaxhim Ekzekutiv. Edhe masteri profesional Menaxhimi i Sigurimeve, i çelur dy vite më parë ka rezultuar i suksesshëm.