Meta: Propaganda nuk ndihmon për daljen nga kriza, zgjidhja janë zgjedhjet
Presidenti i kujtoi PS- së se sundimi ligjit është kusht për çeljen e negociatave Zëdhënësi: E çmendura E. u zhyt në llumin e shpifjes, keqardhje
Presidenti i Republikës, Ilir Meta, vazhdon të besojë se zgjidhja e vetme për të dalë nga kriza politike që ka përfshirë vendin prej fillimit të këtij viti është mbajtja e zgjedhjeve të 13 tetorit. Ai reagoi dje lidhur me gjithë aksionin e mazhorancës parlamentare kundër tij, duke nisur që nga hetimi parlamentar e deri te rrëzimi i dekreteve për rikthimin për shqyrtim të disa ligjeve, ndërsa theksoi se propaganda anti- President nuk e ndihmon sundimin e ligjit dhe zgjidhjen e krizës politike në vend. Nëpërmjet një komenti në rrjetet sociale, kreu i shtetit ka kujtuar 18 tetorin, ditën kur do të jepet edhe vendimi për çeljen e negociatave, ndërsa thekson se sjellja e mazhorancës kundër presidentit nuk ndihmon sundimin e ligjit, që është kusht për hapjen e tyre. Sipas Metës, spostimi i vëmendjes për momentin nga detyrimi për respektimin e dekretit në fuqi të 13 tetorit për zgjedhje gjithëpërfshirëse vendore nuk e ndihmon vendin që të marrë një vendim pozitiv për hapjen e negociatave në 18 tetor.
REAGIMI
"Propaganda anti- President nuk ndihmon sundimin e ligjit, që është kusht për çeljen e negociatave në 18 tetor nga Bashkimi Europian për vendin tonë. Spostimi i vëmendjes për momentin nga detyrimi për respektimin e dekretit në fuqi të 13 tetorit për zgjedhje gjithëpërfshirëse vendore nuk ndihmon për zgjidhjen e krizës, por ndihmon përshkallëzimin e saj. Kriteret e Kopenhagenit nuk janë shfuqizuar ende nga BEja, ndaj respektimi i tyre është i pashmangshëm, nëse ka mbetur sadopak vullnet politik për çeljen e negociatave në 18 tetor. Zgjedhjet janë e vetmja zgjidhje!", - shkroi Presidenti i Republikës, Ilir Meta. Kujtojmë se kreu i shtetit ka dekretuar 13 tetorin si ditën e mbajtjes së zgjedhjeve vendore, ndonëse Komisioni Qendror i Zgjedhjeve nuk ka ndërmarrë asnjë hap për organizimin e tyre. Madje, në KQZ janë paraqitur për t'u regjistruar në këto zgjedhje vetëm 3 forca politike të opozitës. Por pavarësisht këtij fakti dhe kalimit të të gjitha afateve ligjore për organizimin e këtyre zgjedhjeve, presidenti beson se nëse ekziston vullneti politik, zgjedhjet e 13 tetorit janë të mundshme të mbahen ende.
BLUSHI
Ndërkohë që gjatë mbrëmjes së djeshme, Institucioni i Presidentit ka re
aguar sërish, kësaj here lidhur me vendimet e mazhorancës për të rrëzuar dekretet e kreut të shtetit, sidomos atyre që kanë të bëjnë me dy marrëveshje koncesionare për rrugën Milot- Balldren dhe Porti i Jahteve - By- pass Orikum - Dukat. Zëdhënësi i Presidentit të Republikës, Tedi Blushi, nëpërmjet një reagi
mi po nëpërmjet rrjeteve sociale ka reaguar ndaj deklaratave të ministres së Shtetit për Marrëdhëniet me Parlamentin, Elisa Spiropali, ndërsa ka sjellë në vëmendje pikërisht faktin se dy marrëveshjet koncesionare kanë çmime të fiksuara dhe që kalojnë vlerat e kostove të punimeve të publikuara nga vetë Autoriteti
Rrugor. "Të çmendurit për t'i shpëtuar shiut, futen në pellg. Njësoj si e çmendura E., e cila u zhyt edhe sot në llumin e shpifjes, për t'i shpëtuar shiut të së vërtetës, duke lëshuar tymuesen e radhës, me shpresën se do largohet sadopak vëmendja nga keqpërdorimi i Kuvendit për mbulimin e PPP- ve të paligjshme që u miratuan
sot", - shkroi Blushi duke iu referuar pikërisht marrëveshjes për rrugën Porti i Jahteve - By- pass Orikum - Dukat. Sipas tij, e njëjta praktikë është ndjekur edhe për marrëveshjen tjetër atë për rrugën Milot - Balldren. "Për t'i dhënë një mbrojtje këtij procesi të paligjshëm dhe për të shmangur çdo përgjegjësi nesër, qeveria ka
miratuar një rregull të ri, për t'ia kaluar përgjegjësinë Kuvendit, me qëllim amnistimin e gjithë procesit të zhvilluar në paligjshmëri të plotë. Keqardhje për të çmendurën E., e cila pasi u përdor për të nxjerrë me këpucë të kuqe doganat, po ofrohet për t'i nxjerrë dritat e kuqe edhe ekonomisë kombëtare", - shkroi Blushi.