Debatet tek ' Ekonomia', rrëzohen 4 dekretet e Presidentit të Republikës

Ashtu

siç edhe kishte p a r a l a j m ë r u a r, mazhoranca e majtë e ka nisur jetën parlamentare në një sulm frontal kundër Presidentit të Republikës. Paralelisht me nisjen e hetimit në kuadër të kërkesës për shkarkimin e tij, shumica e majtë ka rrëzuar dje 4 dekretet e para të Presidentit Meta me anë të të cilave ai ktheu 4 ligje të ndryshme për rishqyrtim në Kuvend. Më konkretisht, Komisioni i Ekonomisë rrëzoi dje 4 dekretet që ka të bëjnë me ligjin për privatizimet, për koncesionin e rrugës OrikumDukat, koncesionin për rrugën Milot- Balldren dhe atë "Për koncesionet dhe Partneritetin Publik Privat". Deputetët e majtë nuk kanë marrë parasysh asnjë nga argumentet që ka paraqitur kreu i shtetit në relacionet shpjeguese që shoqërojnë secilin dekret, duke vendosur që t'i votojnë edhe një herë në gjendjen që janë të 4 ligjet në fjalë në seancë plenare. Por, teksa anëtarët e komisionit po diskutonin dekretet në fjalë, mes kryetarit të Komisionit të Ekonomisë Arben Ahmetaj dhe deputetit të opozitës, Alban Zeneli është zhvilluar një debat i fortë. Ahmetaj i kërkoi Zenelit që të mos fliste në këmbë, por të zinte vend në tryezë për t'iu bashkuar diskutimeve. "Alban ose ulu si qytetar, ose në këmbë nuk flitet. Ulu, merr pjesë në komision është kënaqësi, bëj pyetje. Të lutem Alban po deshe ulu, vazhdo bëj pyetje, ngri çështje", - tha Ahmetaj. "Herë tjetër mos më thuaj mua kush je ti. S'do pyes ty unë ç'do them! Mos fol me mua ' kush je ti, kush jam unë'. Nuk do të pyes ty, do ulem apo s'do ulem", - tha deputeti Zeneli. Nisur pikërisht nga ky debat, kryetari i Komisionit të Ekonomisë ka ndërprerë mbledhjen për ta rinisur atë më vonë, ku edhe u votua për rrëzimin e 4 dekreteve të parë të Presidentit të Republikës.