Opozita çon dosjen e 30 qershorit te ndërkombëtarët: Provat që implikojnë PS- në
Spaho: Denoncime të reja, për të tjerë kryebashkiakë
Aleatët
e Lulzim Bashës njoftuan dje se Partia Demokratike ka përgatitur një raport të detajuar mbi shkeljet dhe paligjshmëritë në zgjedhjet e 30 qershorit dhe ua ka dërguar atë partnerëve ndërkombëtarë. Mediu e Ndoka tregojnë se në këtë raport ka prova konkrete që implikojnë Partine Socialiste në vjedhjen e zgjedhjeve të 30 qershorit. Po çfarë përmban ekzaktësisht raporti i Partisë Demokratike, i cili i është dorëzuar tashmë OSBEODIHR- it? Paralelisht me PD- në, edhe LSI- ja ka përgatitur një raport të sajin mbi zgjedhjet e 30 qershorit, që sipas eksponentëve të kësaj partie, po ashtu përmban prova se në 30 qershor, zgjedhjet u manipuluan. Pritet që raportet në fjalë të bëhen publikë vetëm pas raportit përfundimtar që ODIHR do të publikojë për zgjedhjet e 30 qershorit në Shqipëri, të cilat u zhvilluan pa pjesëmarrjen e Partisë Demokratike dhe aleatëve të saj. Por, demokratët nuk kanë ndër mend të ndalen me Valdrin Pjetrin dhe Agim Kajmakun. Nënkryetari i PD- së, Edmond Spaho, paralajmëron denoncimin e të tjerë kryebashkiakëve të majtë, që preken nga ligji i dekriminalizimit. "Do të ketë edhe publikime të tjera, sepse nuk janë dy raste të vetme të rastësishme. Është një filozofi e Rilindjes për të ardhur dhe qëndruar në pushtet", tha Spaho për ' A2'. Pas 30 qershorit, denoncimet e të zgjedhurve vendorë të dyshuar për rekorde kriminale mbajtën peshën kryesore të kauzës së opozitës, por shtatori risjell protestat. "Edhe në javët e muajt e ardhshëm do të vazhdojmë këtë lëvizje. Jemi të bindur që është një aksion i vështirë, por do t'i qëndrojmë deri në fund", deklaroi z. Spaho.