SPAK, Uashingtoni: Së shpejti, hetimi i zyrtarëve dhe politikanëve të korruptuar
Ambasada e SHBA: Secili, i barabartë para ligjit
Përfaqësia
diplomatike e SHBA- ve në Tiranë përcolli dje një tjetër mesazh në adresë të zyrtarëve të lartë të korruptuar, të cilët i kanë shpëtuar drejtësisë që po shembet. Ambasada amerikane në Tiranë përmes një videoje paralajmëron se shumë shpejt Prokuroria e Posaçme, e cila pritet të finalizohet në javët në vijim, do të hetojë zyrtarët e korruptuar dhe krimin e organizuar. Ambasada amerikane thekson se ka nisur tashmë puna për ngritjen e SPAK- ut, duke sinjalizuar kësisoj një furtunë në politikën shqiptare, gjatë kësaj vjeshte. "Çfarë është reforma në drejtësi? Si po zbatohet? Si do të ndikojë në jetën tënde dhe në jetët e shqiptarëve?". Këto sqarime dha dje përmes një videoje shpjeguese, ambasada amerikane në Tiranë. "Gjatë javëve të kaluara, postuam një seri videosh informuese për të shpjeguar se si reforma në drejtësi do të sigurojë që çdokush të jetë i barabartë përpara ligjit. Keni humbur njërën prej videove tona?". Më shumë se 50 gjyqtarë dhe prokurorë janë shkarkuar për shkak se nuk justifikuan pasurinë dhe kontakteve të papërshtatshme me botën e krimit. Paralelisht me pastrimin e sistemit janë ngritur institucionet e reja, Këshilli i Lartë i Prokurorisë dhe Këshilli i Lartë Gjyqësor. Këto institucione kanë nisur nga puna për ngritjen e SPAK dhe shumë shpejt ky institucion
PARALAJMËRIMI
Ambasada amerikane në Tiranë përmes një videoje paralajmëron se shumë shpejt Prokuroria e Posaçme, e cila pritet të finalizohet në javët në vijim, do të hetojë zyrtarët e korruptuar dhe krimin e organizuar.
do të hetojë zyrtarët e korruptuar dhe krimin e organizuar", shprehet ambasada e SHBA. Javën që kaloi, ambasada amerikane postoi një tjetër video, ku shpjegonte se si do të funksionojë Byroja Kombëtare e Hetimit.