Kthimi i dy ligjeve në Kuvend, PS rrëzon dekretet e Metës

Dervishaj: Krijohet një kompetencë e re e autoriteteve vendore

Komisioni i Ligjeve rrë zoi dje dekretin e Pres identit të Republikës, Ilir Meta, përsa i përket kthimit për rishqyrtim në Kuvend të ligjit mbi vetëqeverisjen vendore, si dhe atë të Kodit Penal. Shtatë dekrete të Presidentit Ilir Meta për kthimin e ligjeve janë rrëzuar brenda një jave nga komisionet parlamentare. Në Komisionin e Ligjeve anëtarët e mazhorancës hodhën poshtë dje kthimin për shqyrtim të ligjit të "Vetëqeverisjes vendore" dhe ndryshimet në ligjin për Kodin Penal. Me 3 vota kundër, Komisioni i Ligjeve ktheu një tjetër dekret të Presidentit Ilir Meta, duke thelluar kështu përplasjen institucionale në vend. Rrëzimi i dekreteve ngjalli debate mes mazhorancës dhe përfaqësuesve të presidentit. Deputeti i PS- së, Bashkim Fino, njëkohësisht edhe relator, u shpreh se nga mënyra se si ky relacioni është ndërtuar, duket është kundër tij. "Ajo që më vjen keq është se po vërej me keqardhje personale se gjithë relacioni është ndërtuar kundër relatorit. Presidenti ynë i nderuar, që unë kam shumë respekt, ka qenë 4 vite kryetar kuvendi dhe i di mirë procedurat", theksoi z. Fino. Bledar Dervishaj, këshilltari ligjor i presidentit para deputetëve në komision tha se me ndryshimet në këtë ligj u krijohet një kompetence e re e autoriteteve vendore. Në Komisionin e Ligjeve, ku u rrëzuan dekretet e presidentit për kthimin në Kuvend të dy ligjeve, Braho i kërkoi këshilltarit të Metës, Bledar Dervishajt të jenë më dinjitozë dhe të ngrenë probleme të mirëfillta kushtetuese. Braho iu drejtua këshilltarit të Metës, duke thënë se po ia heq ' tullat' presidentit. "Zoti Dervishi po ia hiqni ' tullat' presidentit. Nuk është dinjitoze që në dekretet e presidentit

kërkohet të rregullohet teknika legjislative, kjo apo ajo", - u shpreh z. Braho. Por këshilltari ligjor i presidentit, Bledar Dervishaj reagoi duke thënë: "Presidenti është pjesë e procesit parlamentar dhe rekomandimet pozitive për përmirësimin e normës duhet të pranohen nga Kuvendi". Presidenti ktheu ligjin ' Për vetëqeverisjen vendore', krye

ARGUMENTI

Presidenti ktheu ligjin "Për vetëqeverisjen vendore", nenet që kanë të bëjnë me tjetërsimin e pronës. Në argumentin e tij Meta tha se ndryshimet ligjore në nenin 54- 55 të ligjit nr. 139/ 2015 janë të pajustifikuara, pasi mënyra e re që propozohet për kuorumin e nevojshëm në vendimmarrjet e këshillave bashkiakë nuk garanton mbrojtjen e interesit publik në procedurat e tjetërsimit të aseteve publike në pronësi të pushtetit vendor.