"E ka personale me mua", Meta qetëson Finon: Të kam të preferuarin!
Dy orë seancë, ironitë dhe batutat në komision mes presidentit dhe deputetëve Ftesa e Ruçit dhe ndërhyrja e Manjës për etikën
Përgjatë dy orëve të se ancës së komisionit hetimor parlamentar për shkarkimin e presidentit, nuk munguan as batutat dhe ironitë mes deputetëve dhe Ilir Metës. Ilir Meta mori "kritika" nga deputeti socialist Bashkim Fino në Kuvend, në komisionin hetimor të ngritur nga mazhoranca për shkarkimin e kreut të shtetit, se ka qenë i anshëm, jo mbi palët me vendimin për shtyrjen me dekret të datës së zgjedhjeve. Presidenti iu përgjigj pyetjeve të shumta të ligjvënësve të mazhorancës dhe opozitës, deri te mundësia që vendimi i tij të jetë në konflikt interesi, për shkak të bashkëshortes Monika Kryemadhi. "Keni qenë presidenti i palshëm, i shtytë se nuk donte Lul Basha të hynte në zgjedhje. Po tani që të dyja palët nuk duan zgjedhjet, çfarë do të bëhet me zgjedhjet e 13 tetorit, prapë do t'i shtyni? Ju i shërbyet një pale dhe ata nuk erdhën, dhe prapë nuk do të vinë. Ne i bëmë një palë zgjedhje. Si do të dilni mbi palët? Nëse qeveria do të merrte vendim për shkarkimin e presidentit, do ta zbatonit këtë vendim"?, - tha z. Fino. Kurse Ilir Meta u përgjigj: "Keni një perceptim sikur kam ndonjë problem personal me ju, nisur nga rasti i fundit, nga mediat. Dua të
disa pyetje Presidentit Ilir Meta, pyetje të cilat detyruan kryetarin e komisionit hetimor, Ulsi Manja t'i tërheqë vëmendjen për të ruajtur etikën. "Po e bëni çorap këtë vend për 30 vjet", - tha deputeti i ri, duke i thënë presidentit se për sa kohë nuk i uli dot palët në dialog, do të thotë se atë nuk e merr askush në konsideratë dhe se presidenti kot sa e ushtron detyrën. "Së pari, përgjigjet i dhashë më parë. Këtu kuptohet që parlamentarizmi është edhe eksperiencë, përvojë. Ajo që mund t'ju them të gjithë deputetëve është se Kushtetuta ia lejon tërësisht presidentit të ushtrojë kompetencat e tij për të nxjerrë dekrete, në bazë të Institutit të Shfuqizimit, që është institut mjaft i rëndësishëm i së drejtës", theksoi z. Meta. Në mbyllje të seancës dyorëshe ishte një ftesë e kryeparlamentarit Gramoz Ruçi, drejtuar presidentit për një kafe 20 minuta në zyrën e tij.