Kriza, BE fton partitë për dialog: Filloni me reformën zgjedhore
"Javët dhe muajt në vijim, kyçe për Shqipërinë"
Ambasadori i Bash kimit Europian në Tiranë, Luigi Soreca, apeloi sërish dje për dialog mes mazhorancës dhe opozitës, me qëllim që Shqipërisë t'i hapet rruga drejt integrimit evropian. Sipas Sorecës, reforma zgjedhore duhet të jetë pikënisja e dialogut mes opozitës dhe mazhorancës, me qëllim zgjidhjen e krizës politike. Luigi Soreca u bëri të qartë palëve politike se ulja në tryezën e dialogut të palëve politike do të ndihmonte dhe çeljen e negociatave. "Ju e dini që ne u kemi kërkuar partive politike që të përfshihen në dialog dhe të marrin pjesë në një dialog të tillë. Janë të shumta, thirrjet për dialog muajt e fundit. Më lejoni të them që dialogu duhet të fillojë nga diçka specifike, e kjo gjë specifike mund të jetë reforma zgjedhore. Reforma zgjedhore është shumë e rëndësishme dhe kjo është edhe e nevojshme, pasi do të sillte një gjë që ishte shumë e rëndësishme edhe për qytetarët, duke folur për zgjedhjen e përfaqësuesve të tyre. Kjo do të bëhet në një mënyrë të drejtë, por edhe në përputhje me standardet ndërkombëtare. Çelja e negociatave do të ndihmonte edhe sa i përket dialogut dhe më lejoni të them që 91% e shqiptarëve duan që Shqipëria të bëhet shtet anëtar i BE. Këta janë 91% e qytetarëve shqiptarë, që i përkasin të gjithë spektrit politik në Shqipëri, që do të thotë që të gjithë politikanët duhet të përfshihen në këtë dialog", theksoi z. Soreca. Ambasadori i BE- së shpreson në një vendim pozitiv për çeljen e negociatave. "Ne jemi të bindur se do të jepet një motivim shtesë për institucionet shqiptare. Çelja e negociatave nuk do të jetë fundi i fillimit, por fillimi i një procesi që do të na çojë përpara", - u shpreh diplomati i BE- së. Luigi Soreca u shpreh optimist për një lajm pozitiv për Shqipërinë. "Në tetor mund
të thuhet një fjalë e mirë për të ardhmen e Shqipërisë. E rëndësishme është prania e Tusk këtu. Nënshkrimi i kësaj marrëveshjeje vjen në një moment të rëndësishëm. Besoj se Shqipëria ka pasur një ecuri shumë të mirë. Topi kalon në kampin e Këshillit Europian. Jemi në një moment shumë të rëndësishëm, reforma në drejtësi do të sjellë ndryshime të forta", theksoi ambasadori Soreca. Diplomati evropian e vuri theksin te reforma në drejtësi, për të cilën tha se javët në
TAKIMI
"Falënderova ambasadorin Soreca për mbështetjen e tij për reformën zgjedhore dhe shpreha nevojën për një sistem të ri zgjedhor, më gjithëpërfshirës dhe më demokratik. Gjithashtu, diskutuam edhe mbi organizimin e ' Shkollës Europiane', që organizohet nga Këshilli Kombëtar i Integrimit Europian, aktivitet që çdo vit është mbështetur edhe nga delegacioni i BE- së në Shqipëri", - shkruan deputetja Hajdari.
vijim janë kyçe për Shqipërinë. "Javët dhe muajt në vijim do të jenë kyçe për Shqipërinë, pasi ne jemi shumë afër krijimit të SPAK dhe BKH. Gjyqtarët dhe prokurorët e ardhshëm po diskutojnë si mund të ndiqet lufta kundër korrupsionit
dhe krimit të organizuar", u shpreh Luigi Soreca. Ambasadori i BE- së firmosi marrëveshjen financiare IPA 2018 me qeverinë shqiptare, duke akorduar 94 milionë euro që do të investohen në disa fusha, teksa kryesorja dhe ku do të shkojë pjesa më
e madhe është drejtësia dhe institucionet e reja që po ngrihen. "94 mln euro që i akordohen Shqipërisë për luftën kundër korrupsionit, krimit dhe reformën në drejtësi. Reforma në drejtësi dhe lufta kundër korrupsionit janë përparësi".