Vendimi për negociatat, Opozita ndërpret protestat deri më 18 tetor
Koalicion bashkëqeverisës PS- PD?/ Aleatët e PD: Vdekjeprurëse për demokracinë Mediu: KOP i dytë për rikthimin e figurave të së djathtës
Opozita e bashkuar ka vendosur të ndër presë protestat deri pas vendimit të 18 tetorit, momenti kur vendet e Bashkimit Europian do të marrin një vendim për hapjen ose jo të negociatave të Shqipërisë me BEnë. Aksioni opozitar do të kthehet edhe më intensivisht pas vendimit që Brukseli do të japë më 18 tetor për çeljen ose jo të negociatave. Ndaj opozita nuk ka një datë për rinisjen e protestave, por aleatët e Lulzim Bashës pohojnë se gjithçka do të varet nga vendimi i tetorit për negociatat. "Të nesërmen e asaj dite na lind e drejta t'i themi shqiptarëve se si është ky Rama. Basha e dha një sinjal nga Brukseli, deri në ditën e negociatave më 18 tetor nuk do të ketë protesta", deklaroi kreu i LZHK- së Dashamir Shehi. Opozita kërkon një marrëveshje me kushte e cila sipas saj do të çojë në zgjidhjen e krizës politike në vend. Ndaj aksioni i opozitës kundër qeverisë "Rama" do të jetë shumëplanësh. "Jemi gati për një marrëveshje me kushte. Po përgatisim një platformë për të hyrë në bisedime. Duhet të bëhen ndryshime në Kodin Zgjedhor. Qëllimi i platformës është krijimi i një qeverie tranzitore dhe zgjedhje të lira",theksoi z. Shehi.
PLATFORMA
Partia Demokratike dhe aleatët kanë nisur detajimin e platformës kombëtare, të cilën do ta propozojnë së shpejti si zgjidhje për krizën politike dhe kushtetuese. Një ditë pas takimit në Durrës me kreun e PD- së Basha në Durrës, aleatët flasin për ndryshime kushtetuese, ndërsa shprehen se largimi i Ramës, si kryeministër është emergjent. Mbrëmjen e se martës të gjithë kryetarët e koalicionit opozitar janë mbledhur në kantinën e kreut të Partisë Agrare Agron Duka, për të diskutuar hapat që opozita do të ndërmarrë për të arritur qëllimin final, organizimin e zgjedhjeve të parakohshme me një qeveri tranzitore, pa Ramën kryeministër. Aleatët e Lulzim Bashës zbulojnë detaje nga plani opozitar për sezonin e ri politik, ku rikthimi i figurave e personaliteteve që sot nuk janë më pjesë aktive e së djathtës shihet si një mundësi ridimensionimi në kampin blu. Kreu i PR- së Fatmir Mediu dhe kreu i LZHK- së Dashamir Shehi pohojnë se hapja e opozitës pritet të sjellë të njëjtin rezultat sikundër e njëjta formulë e ndjekur nga ish- kryeministri Berisha me KOOPIN në vitin 2005. "KOP- i i 2005- ës ishte mekanizëm i jashtëzakonshëm me figura të shquara, është eksperiencë që vlen, ka rrugë dhe mënyra për ta çuar në një nivel me ndryshe. Afrimin e figurave të shuara të opozitës brenda dhe jashtë dhe të gjithë personalitete që kanë qenë në parlament apo pushtet lokal"- deklaroi z. Mediu. Kurse Dashamir Shehu u shpreh: "Shkojmë përtej KOP- it përfshirë kontribuesit në harkun opozitar e
FATMIR MEDIU
"KOP- i i 2005- ës ishte mekanizëm i jashtëzakonshëm me figura të shquara, është eksperiencë që vlen, ka rrugë dhe mënyra për ta çuar në një nivel me ndryshe. Afrimin e figurave të shuara të opozitës brenda dhe jashtë dhe të gjithë personalitete që kanë qenë në parlament apo pushtet lokal"deklaroi z. Mediu.
DASHAMIR SHEHI
Aksioni i opozitës kundër qeverisë "Rama" do të jetë shumëplanësh.
"Jemi gati për një marrëveshje me kushte. Po përgatisim një platformë për të hyrë në bisedime. Duhet të bëhen ndryshime në Kodin Zgjedhor. Qëllimi i platformës është krijimi i një qeverie tranzitore dhe zgjedhje të lira",- theksoi z. Shehi.