Sekuestrohen 11 kg heroinë në portin e Durrësit, prangoset 50- vjeçari rezident në Zvicër
Droga për në Itali, kosovari: S'kam lidhje me ngarkesën
DURRËS - Policia Kufitare e Durrësit ka parandaluar dhe goditur një rast të tentativës për trafikim të drogave të forta duke sekuestruar në portin e këtij qyteti 11 kg heroinë, e cila dyshohet se kishte si destinacion Italinë. Ndërkaq, në pranga ka përfunduar një 50- vjeçar, rezident në Zvicër. Bëhet fjalë për Agim Sulejmanin nga Presheva. "Shërbimet e Policisë Kufitare Durrës në zbatim të detyrave të përcaktuara në Planin e Masave për rritjen e kontrollit me qëllim parandalimin, evidentimin dhe goditjen e trafikimit të lëndëve narkotike, si dhe në bazë të analizës së riskut,
MODIFIKIMI
Sipas hetuesve të çështjes, mjeti tip "Opel", në të cilin u gjend droga dyshohet të jetë modifikuar në Kosovë ku i është krijuar një hapësirë e posaçme. Po të njëjtat burime thanë se i arrestuari, shtetasi kosovar rezident në Zvicër, Agim Sulejmani kishte udhëtuar me këtë mjet nga Kosova drejt Durrësit ditën e hënë.
kanë goditur një rast të tentativës për trafikim të lëndëve narkotike. Gjatë kontrollit të ushtruar në vijën e dytë, në pikën e kontrollit të mjeteve, në mjetin tip "Opel" me drejtues shtetasin A. S., shërbimet e Policisë Kufitare duke përdorur edhe qenin antidrogë kanë konstatuar se në brendësi të automjetit kishte lëndë narko
tike. Menjëherë është njoftuar grupi hetimor dhe Specialistët për Hetimin e Narkotikëve në DVP Durrës", thuhet ndër të tjera në njoftimin zyrtar të policisë. Ndërsa, sqarohet se gjatë kontrollit të imtësishëm të automjetit, në gomën rezervë dhe në brendësi të vendit ku ajo vendoset, blutë gjetën dhe sekuestruan në cilësinë e provës materiale 25 pako me lëndë narkotike, me peshë 11 kg, e dyshuar Heroinë. Sipas hetuesve të çështjes, mjeti tip "Opel", në të cilin u gjend droga dyshohet të jetë modifikuar në Kosovë ku i është krijuar një hapësirë e posaçme. Po të njëjtat burime thanë se i arrestuari, shtetasi kosovar rezident në Zvicër, Agim Sulejmani kishte udhëtuar me këtë mjet nga Kosova drejt Durrësit ditën e hënë. Në përfundim të veprimeve, Specialistët për Hetimin e Narkotikëve në Drejtorinë Vendore të Policisë Durrës bënë arrestimin në flagrancë të shtetasit Agim Sulejmani banues në Zvicër, drejtuesi i mjetit. Gjatë marrjes në pyetje, 50- vjeçari ka mohuar të ketë lidhje me këtë ngarkesë dhe nuk ka dhënë sqarime për uniformat blu. Materialet hetimore në ngarkim të tij i kaluan Prokurorisë Pranë Gjykatës së Shkallës së Parë Durrës, për veprime të mëtejshme, për veprën penale "Trafikimi i narkotikëve".