PD: Zgjedhjet demokratike sjellin rotacion paqësor
"Pa u larguar Rama, reforma elektorale mbetet në letër"
Për demokratët, zgjedh jet demokratike kërkojnë vetëm vullnet politik. Teksa mori shembull zgjedhjet në Kosovë, ish- deputeti Oerd Bylykbashi i cilësoi ato një kambanë e fortë për qeverinë, pasi sipas tij, provuan se vetëm vullneti politik garanton zgjedhje demokratike dhe rotacion paqësor. Bylykbashi konfirmoi se Partia Demokratike mbetet e angazhuar në përmbushje të rekomandimeve të ODIHRit dhe se plani pesë pikësh i propozuar nga opozita është rruga e vetme për zgjedhje demokratike. "Zgjedhjet parlamentare në Kosovë janë një leksion i madh për politikën ? shqiptare, por mbi të gjitha janë një kambanë e fortë për qeverinë. Zgjedhjet demokratike kërkojnë vullnet politik. Kosova dha një mësim të madh se zgjedhjet bëhen demokratike, kur në vend të parë vjen interesi i zgjedhësve dhe kur qeveria ka vullnet për të zbatuar ligjin,? që garanton të drejtën e zgjedhësve dhe të kandidatëve që konkurrojnë të lirë e pa presion. Askush nuk ka dëgjuar zhurmë për reformë zgjedhore në Kosovë, por të gjithë pamë se si Kosova bëri zgjedhje demokratike që garantuan rotacion politik paqësor, ku fituesi angazhohet për ndryshim dhe humbësi nuk manipulon numërimin, por pranon humbjen", theksoi ai.
SHITBLERJA
Z. Bylykbashi duke përmendur cenimin e votës, shitblerjen apo fenomene të tjera të ngritura si shqetësim nga OSBE/ ODIHR, u zotua se PD është e angazhuar në zbatimin e të gjitha këtyre rekomandimeve. "Partia Demokratike është e angazhuar për të gjitha këto, në mënyrë që t'u sigurojë shqiptarëve zgjedhje demokratike dhe rotacion demokratik me votë.? Partia Demokratike është e bindur që vetëm zbatimi i plotë dhe i vërtetë i rekomandimeve të ODIHR na hap rrugën për zgjedhje demokratike dhe për këtë ka propozuar një plan me pesë pika, në bazë të të cilit qëndron vullneti politik për zgjedhje të lira e të ndershme", deklaroi ish- deputeti i PD- së. Sipas Bylykbashit, e vetmja pengesë për zbatimin e rekomandimeve dhe garantimin e zgjedhjeve të lira është qeveria dhe kryeministri Rama. "E vetmja pengesë në rrugën e shqiptarëve për zbatimin e rekomandimeve, si dhe garantimin e zgjedhje si gjithë Europa është Edi Rama dhe qeveria e tij?. Pa u larguar Edi Rama, zgjedhjet e Kosovës apo çdo reformë zgjedhore e jona do të mbeten një leksion në letër", u shpreh Oerd Bylykbashi.
KUSHTET
Sipas demokratëve, pa u larguar kryeministri Rama, çdo reformë elektorale do të mbetet një leksion në letër. Ish- deputeti Oerd Bylykbashi bëri të qartë se vullneti politik garanton zgjedhje demokratike dhe rotacion politik paqësor, ndërsa renditi arsyet pse sipas tij, në Shqipëri nuk ka zgjedhje të lira. "Zgjedhjet demokratike në Shqipëri i vrasin qeveritarët e korruptuar që blejnë vota për të vazhduar të mbajnë pushtetin. ? Kriminelët që qeveritarët i angazhojnë për të blerë vota dhe frikësuar zgjedhësit në këmbim të tenderave dhe pasurive publike. Kandidatët me rekorde kriminale apo ushtarë të krimit. Oligarkët që financojnë partinë në pushtet, që të vijojnë vjedhjen e shqiptarëve me PPP dhe koncesione. Komisionerët militantë që shkelin ligjin me dy këmbë duke mbushur kutitë apo manipuluar numërimin. Mediat e kapura nga pushteti me interesa biznesi apo licenca të paligjshme", u shpreh ishdeputeti i PD- së.