Rama: Ata që vetingu i përjashton, do të japin llogari për pasuritë e tyre
Kreu i qeverisë ka sulmuar sërish prokurorin e Durrësit për lidhje me krimin Reagon KLP: Deklaratat e qeverisë ndikojnë procesin gjyqësor
Qeveria nuk i ka kursyer sërish akuzat ndaj prokurorit të Durrësit, Arjan Ndoja. Pas deklaratës së javës së shkuar nga foltorja e Kuvendit, kryeministri Edi Rama i është rikthyer sërish çështjes së prokurorit Ndoja, ndërsa e ka paralajmëruar dje se do të marrë ndëshkimin e merituar. Duke folur nga takimi javor i bashkëqeverisjes me qytetarët, Rama ka paralajmëruar prokurorin Ndoja se nuk do t'i shpëtojë ndëshkimit. "34 mijë ankesa kanë marrë përgjigje pozitive, ndërsa kur qytetarët të dëshpëruar na drejtohen për sistemin e drejtësisë, por ne nuk kemi mundësi të ndërhyjmë. Ju e patë vetë javën e kaluar, të transformimit të një figure të sistemit të drejtësisë me përfaqësues të interesave të krimit, që sigurisht nuk do t'i shpëtojë ndëshkimit, por ama kur vjen puna te ndërhyrja në proces, kjo është e pamundur për qeverinë, për pushtetin ekzekutiv, sepse Kushtetua përcakton qartë kufijtë e çdo pushteti dhe kufizimet që ne kemi, pavarësisht se mund të jetë e drejtë ajo që qytetari kërkon", - tha kryeministri Edi Rama.
LLOGARIDHËNIA
Më tej, ai theksoi se bashkë me të, të gjithë prokurorët e gjyqtarët e tjerë të korruptuar që janë larguar nga procesi i vetingut do të japin llogari për pasurinë e tyre, kjo edhe si një përmbushje e një prej kushteve të Bundestagut për hapjen e negociatave. Kryeministri ka deklaruar se asnjë prokuror dhe gjyqtar nuk do t'i shpëtojë dot paratë e zeza të krimit dhe shpërblimet e majme të përfituara nga organizatat kriminale, edhe pasi vetingu i përjashton. Sipas Ramës, të gjithë prokurorët dhe gjyqtarët që shkarkohen nga vetingu, do të rikthehen për të dhënë llogari. "Fatkeqësisht po shohim se pastrimi i llumit nga sistemi i drejtësisë ka edhe një efekt negativ, sepse shumë prokurorë e gjykatës që janë të zhytur deri në fyt, po e shfrytëzojnë pushtetin që iu jep ligji me moton ' të kapin, çfarë të kapim'. Ata nuk kuptojnë që ndërtimi i sistemit të ri të drejtësisë kërkon kohë. Ata që vetingu i përjashton, do të rikthehen para prokurorëve dhe gjykatëse për të dhënë llogari për pasurinë e tyre, të jenë të sigurt. Edhe ata që bëjnë krime për të përfituar para të zezë, apo shpërblime të majme nga organizata kriminale, drejtësia mbi ta mund të vonojë
dhe pak, por nuk do të harrojë", - tha Rama.
KLP
Ndërkohë që ndaj deklaratave të drejtuesve të qeverisë, dje ka reaguar Këshilli i Lartë i Prokurorisë, i cili nëpërmjet një komunikimi zyrtar të shpërndarë për mediat ka kërkuar mosndërhyrjen e institucioneve të tjera në punën e prokurorëve. KLP shprehet se deklaratat e ardhura nga përfaqësuesit e
qeverisë mund të paragjykojnë procesin gjyqësor ndaj ish- drejtorit të Kadastrës, kurse shton se çdo shkelje e çdo prokurori të Shqipërisë mund të denoncohet pranë Prokurorisë të Krimeve të Rënda. "Këshilli vëren se deklarimet e sipërpërmendura janë të tilla që mund të paragjykojnë ecurinë dhe përfundimin e një procesi gjyqësor në vijim dhe të procedurave të tjera ligjore. Këshil
PARALAJMËRIMI
"Ata që vetingu i përjashton, do të rikthehen para prokurorëve dhe gjykatëse për të dhënë llogari për pasurinë e tyre, të jenë të sigurt. Edhe ata që bëjnë krime për të përfituar para të zezë, apo shpërblime të majme nga organizata kriminale, drejtësia mbi ta mund të vonojë dhe pak, por nuk do të harrojë".
li i Lartë i Prokurorisë inkurajon deklaruesit, si dhe çdo subjekt tjetër publik ose privat, të denoncojnë pranë Prokurorisë së Krimeve të Rënda të gjitha rastet e dyshuara të kryerjes së veprave penale nga çdo prokuror i republikës, ndërsa dyshimet për kryerjen e shkeljeve disiplinore duhet të denoncohen pranë prokurorit të përgjithshëm ( deri sa të krijohet Inspektori i Lartë i Drejtësisë) dhe institucioneve të vetingut", - thuhet në deklaratën e KLP- së. Nga ana tjetër, KLP iu bën thirrje të gjithë prokurorëve të vijojnë punën me përgjegjshmëri të lartë, në zbatim të kompetencave të tyre kushtetuese për ushtrimin e ndjekjes penale dhe përfaqësimin e akuzës në shërbim të shoqërisë.