Opozita dorëzoi mandatet, Kuvendi kursen 17 milionë lekë në 8 muaj
Ky institucion ka shpenzuar 19 milionë lekë për blerje makinash
Dorëzimi i mandateve të deputetëve nga ana e opozitës së djathtë solli në përgjithësi një krizë të tensionuar politike në vend. Por përveç aspektin politik, largimi i deputetëve të djathtë nga Kuvendi ka dhe një anë pozitive në aspektin e shpenzimeve për paga nga ana e legjislativit. Kuvendi i Shqipërisë ka publikuar raportin 8 mujor të shpenzimeve buxhetore, ku ndër të tjera ka bërë të ditur se për shkak se jo të gjitha mandatet e dorëzuara nga opozita u zëvendësuan me deputetë të rinj nga listat shumemërore, ka sjellë një kursim 17 milionë lekë të reja në buxhetin e këtij institucioni për vitin 2019. "Shpenzimet për paga në programin legjislativ janë realizuar 50.3% të planit vjetor. Mosrealizimi i këtyre shpenzimeve sipas planifikimit janë të lidhura me specifikën e këtij vitit, kur në shkurt 2019 u mor vendimi kolektiv i dorëzimit të mandateve nga 58 deputetë të opozitës. Vetëm 40 deputetë të rinj morën mandate. Si rezultat i një numri më të ulët të deputetëve, shpenzimet nga pagat nuk janë realizuar. Efekti financiar për 6 muaj është 17 milion lekë ( i pashpenzuar)", - thuhet në relacionin e Buxhetit të Kuvendit. Kjo shumë është edhe më e madhe po të llogarisim edhe shpenzimet që bën kuvendi për pagimin e kontributeve dhe sigurimeve shoqërore dhe shëndetësore. Po ashtu nëngrupi i përfitimeve financiare të deputetëve, ka një realizim më të ulët se planifikimi për shkak të ndryshimeve të ndodhura në mars- maj 2019 ( dorëzimi i mandateve, mandatet e reja, 18 mandate të paplotësuara, ndryshime në vendbanime, por dhe të numrit të mbledhjeve te komisioneve parlamentare etj). Ndërkohë që Kuvendi raporton se edhe zëri pagave për administratën për 8 mujorin e parë është po ashtu me mosrealizim dhe shkak për këtë sipas relacionit është niveli i ulët i rekrutimeve; largimi i nëpunësve civilë në institucione të tjera dhe punonjës me raporte mjekësore afatgjata.
RELACIONI
"Shpenzimet për paga në programin legjislativ janë realizuar 50.3% të planit vjetor. Mosrealizimi i këtyre shpenzimeve sipas planifikimit janë të lidhura me specifikën e këtij vitit, kur në shkurt 2019 u mor vendimi kolektiv i dorëzimit të mandateve nga 58 deputetë të opozitës. Vetëm 40 deputetë të rinj morën mandate. Si rezultat i një numri më të ulët të deputetëve, shpenzimet nga pagat nuk janë realizuar.