Fitues me mbi 26% të votave, ja premtimet e kryeministrit të ri kosovar
Kryeministri
i ri i Kosovës, Albin Kurti, arriti të marrë besimin e qytetarëve ditën e diel në zgjedhjet parlamentare, ndërsa në një intervistë të dhënë për "Der Standard" pak ditë më parë, ai premtoi se do të kërkojë kompensim të luftës dhe të dëmeve që shteti i Serbisë i ka shkaktuar Kosovës. "Ne do ta zëvendësojmë taksën me parimin e reciprocitetit. Për shembull, Beogradi duhet t'i pranojë targat tona dhe dokumentet, në të cilat shkruan Republika e Kosovës. Duam ta sqarojmë fatin e të zhdukurve, pavarësisht kombësisë, të gjenden edhe serbët, edhe romët. Duhet të formohen ekipet e përbashkëta të hetuesve kosovarë, serbë dhe ndërkombëtarë, të cilët do të analizonin varrezat masive", ka deklaruar Kurti. Ai po ashtu shtoi se Serbia i detyrohet Kosovës edhe për kompensim të luftës, një fond pensioni dhe 1.200 artefakte. I pyetur se pse Prishtina duhet të nënshkruajë një marrëveshje me Beogradin, Kurti u përgjigj se marrëdhëniet e fqinjësisë së mirë janë të rëndësishme dhe se pa njohje të ndërsjellë, nuk ka anëtarësim në BE. Duke folur për veten, ai theksoi se është shqiptar nga nacionaliteti dhe që Shqipëria e Kosova janë dy shtete, por një kombësi. "Domethënë si dy Gjermani, por jo si Gjermania dhe Austria", u shpreh ai. I pyetur se a është ende favorizues i bashkimit të Shqipërisë së madhe, ai tha se mendon që do të duhej që qytetarët të votojnë për të, nëse do të kishte referendum, shkruan RTK. "Megjithatë, referendumi nuk lejohet, kështu që unë do ta respektoj Kushtetutën derisa një ditë të jemi në gjendje që ta ndryshojmë atë në mënyrë paqësore dhe demokratike. E kjo nuk pritet të ndodhë shpejt", përfundoi Kurti.
nistre, i lëshuan sinjalet e para për bashkëpunim menjëherë pas shpalljes së rezultateve paraprake. Të dy janë kontribuues në procesin e pavarësisë dhe ndryshimeve në Kosovë dhe të dy kanë një qasje thuajse të njëjtë për nevojën e forcimit të institucioneve dhe kundër kapjes së tyre nga politika. Por teksa karriera e Albin Kurtit është e shënjuar nga aksione ekstreme kundër qeverive të Kosovës dhe Beogradit, i arrestuar edhe ai vetë disa herë për dhunë në rrugë e në Parlament, ylli në ngjitje i Vjosa Osmanit ka njohur një rrugë diametralisht të kundërt. Ajo është shprehur publikisht kundër dhunës së Vetëvendosjes në parlament, kundër polarizimit të politikës dhe pro zgjidhjes së mosmarrëveshjeve politike me anë të dialogut. Përsa i përket qëndrimit ndaj Serbisë, 44- vjeçari i lindur në Prishtinë dhe 37vjeçarja e lindur në Mitrovicë qëndrojnë në të njëjtën llogore, marrëdhënia duhet të jetë në bazë të reciprocitetit dhe korrigjimi i kufirit nuk do
të jetë në tryezën e dialogut. Ndërsa 44- vjeçari i lindur në Prishtinë, i diplomuar për shkenca kompjuterike dhe telekomunikacioni në Universitetin e Prishtinës, që krijoi në vitin 2005 lëvizjen me profil nacionalist, shpesh e sheh Kosovën të pandarë nga Shqipëria dhe në tubimet e Vetëvendosjes, siç ishte edhe festa e një nate më parë për fitoren, aktivistët e Vetëvendosjes valëvitin flamurin kombëtar. Edhe pse me qëndrime ekstreme, partia e tij ka njohur rritje që nga themelimi. Në parlament mundi të hyjë për herë të parë në vitin 2010, pasi fitoi mbi 12% të votave. Në Kuvendin e shkuar pati 26 deputetë. Tani ka 5 vende më shumë, edhe pse u përça vitin e kaluar me largimin e ish- kryetarit Visar Ymeri dhe kryebashkiakut të Prishtinës, Shpend Ahmeti. Ndërsa Vjosa Osmani ka shënjuar një karrierë thuajse diametralisht të kundërt, edhe pse ylli i saj ka qenë gjithnjë në ngjitje, ashtu si ai i Albin Kurtit.