Krerët shqiptarë urojnë Kosovën: Zgjedhje të shkëlqyera
Kurti, kryeministri i ri kosovar, Rama uron homologun dhe Vjosa Osmanin Meta: I treguat botës se jeni një shembull i demokracisë në rritje
Pas shpalljes së fituesit të zgjedhjeve në Kosovë, nuk kishin si të mungonin urimet edhe të drejtuesve më të lartë të shtetit dhe politikës në Shqipëri. Ata përshëndetën dje zgjedhjet në Kosovë, në të cilat partitë kryesore të opozitës, Vetëvendosja dhe LDK dolën fituese. "Zgjedhjet e djeshme në Kosovë ishin një shembull i shkëlqyer i funksionimit të demokracisë dhe i besimit te demokracia dhe vota e lirë", deklaroi Presidenti Ilir Meta, duke uruar qytetarët dhe klasën politike të Kosovës, të cilët sipas tij, "i treguan mbarë botës se shteti i Kosovës është jo vetëm tërësisht funksional, por edhe një shembull i demokracisë në rritje, në një rajon që ende vuan nga autoritarizmi dhe pamundësimi i zgjedhjeve tërësisht të lira, si ato që e gjithë bota ndoqi dje në Kosovë". Nga ana e tij, kryeministri Edi Rama foli për "për zgjedhje të suksesshme parlamentare" duke uruar "Vetëvendosjen e Albin Kurtit për rezultatin më të mirë. LDK e Vjosa Osmanit, për rezultatin e dytë më të mirë, por dhe PDK e Kadri Veselin për pranimin shembullor të rezultatit. Sa më e mbarë dita e re për Kosovën", përfundon postimi i zotit Rama në "Twitter". Për drejtuesin e opozitës shqiptare, Lulzim Basha, "Kosova hapi një faqe të re në rrugëtimin e saj si shtet demokratik. Populli i Kosovës votoi për ndryshim duke mandatuar opozitën për të udhëhequr në rrugën e transformimit ekonomik dhe integrimit euro- atlantik". Kreu i PD, Lulzim Basha ka reaguar për zgjedhjet e parakohshme që u mbajtën në Kosovë ditën e diel. Basha i ka cilësuar këto zgjedhje si një faqe të re në rrugëtimin e Kosovës si shtet demokratik. Kryedemokrati uron LVV dhe LDK, Albin
Kurtin dhe Vjosa Osmanit për fitoren. Po ashtu, Basha përgëzon edhe forcat e tjera politike, që sipas tij, me qëndrimet e tyre europiane i japin garanci për ecjen përpara të Kosovës.
"Kosova hapi një faqe të re në rrugëtimin e saj si shtet demokratik. Populli i Kosovës votoi për ndryshim duke mandatuar opozitën për të udhëhequr në rrugën e trans
LULZIM BASHA
"Urimet më të përzemërta LVV dhe LDK, Albin Kurtit dhe Vjosa Osmanit për fitoren! Përgëzime udhëheqësve të forcave të tjera politike garuese në këto zgjedhje, që me qëndrimet e tyre europiane japin garanci për ecjen përpara të Kosovës! Urime Kosovë"!
formimit ekonomik dhe integrimit euro- atlantik. Urimet më të përzemërta LVV dhe LDK, Albin Kurtit dhe Vjosa Osmanit për fitoren. Përgëzime udhëheqësve të forcave të tjera politike garuese në këto zgjedhje, që me qëndrimet e tyre europiane japin garanci për ecjen përpara të Kosovës. Dje populli i Kosovës dha një shembull frymëzues me pjesëmarrjen civile dhe masive në zgjedhje. Policia e Kosovës tregoi profesionalizëm të lartë në ndalimin e menjëhershëm të atyre, që cenuan sekretin e votës së lirë duke e fotografuar atë. Kosova i dëshmoi botës se është një demokraci funksionuese dhe se meriton sa më parë vendin dhe rolin e saj në të gjitha institucionet dhe proceset ndërkombëtare. Urime
Kosovë! Edhe për drejtuesen e LSI- së, Monika Kryemadhin, "zhvillimi i zgjedhjeve në Republikën e Kosovës ditën e djeshme ishte një tregues i shkëlqyer i maturisë demokratike që kanë arritur
qytetarët dhe përfaqësuesit e tyre politikë. Kosova dha një shembull të kulturës demokratike dhe përgjegjësisë qytetare, që do të ndikojë pozitivisht në rritjen e statusit ndërkombëtar të saj".