Lotaria amerikane, ambasada: Risia e këtij viti, pasaporta e paskaduar
Departamenti Amerikan i Shtetit: Jepni informacionin e plotë mbi statusin martesor "Kujdes, ruani kopjen e vjetër nëse shpalleni fitues"
Risia e lotarisë ameri kane këtë vit, është fakti që aplikuesit kryesor i duhet një pasaportë e pa skaduar për udhëtim jashtë shtetit, numri i pasaportës, shteti i lëshimit të pasaportës dhe data e skadimit. Kjo kërkesë aplikohet vetëm për aplikuesin kryesor, dhe jo për vartësit e tij. Ambasada amerikane ka publikuar ditën e djeshme në faqen e saj zyrtare në rrjetin social ' Facebook' njoftimin për të gjithë të interesuarit ku ka theksuar se duhet të ruhet një kopje e pasaportës së vjetër, sepse mund të kërkohet gjatë procesit pas përzgjedhjes. "Aplikuesi kryesor i Programit të Lotarisë duhet të vendosë të dhënat e pasaportës së pa skaduar në aplikimin fillestar. Nëse pasaporta juaj skadon pasi të keni kryer aplikimin dhe ju përzgjidheni, rekomandojmë të ruani një kopje të pasaportës së vjetër, nëse do t'ju kërkohet gjatë procesit",- bën me dije ambasada. Ndërkohë, deri në 5 nëntor të gjithë të interesuarit që dëshirojnë të jetojnë e punojnë në Shtetet e Bashkuara mund të aplikojnë për lotarinë amerikane.
HAPAT E APLIKIMIT
Ndërkohë në udhëzimet e Departamentit Amerikan të Shtetit theksohet se aplikantët duhet të paraqesin informacionin e kërkuar në mënyrë që regjistrimi në DV2021 të jetë i suksesshëm. "Ju duhet të paraqisni informacionin e mëposhtëm për të plotësuar regjistrimin tuaj E- DV: Emrin - mbiemrin, emrin, emrin e mesit - ekzaktësisht siç shkruhet në pasaportë. Tek emri i mesit do të klikoni kutinë: "no middle name". Datën e lindjes - ditë, muaj, vit. Gjininë - mashkull ose femër. Qytetin e lindjes",- nënvizohet në udhëzim. Në këtë të fundit bëhet me dije se aplikantët duhet të plotësojnë informacionin edhe mbi shtetin e lindjes ku duhet të përdorin emrin me të cilin njihet aktualisht shteti ku kanë lindur. Për sa i përket pyetjes mbi vendin e kualifikueshëm për Programin e Lotarisë, aplikantët që kanë lindur në Shqipëri, nuk ka nevojë t'i përgjigjen kësaj pyetjeje. Vendi i kualifikueshëm për Programin e Lotarisë normalisht do të jetë i njëjtë me atë të lindjes. Vendi i kualifikueshëm për Programin e Lotarisë nuk lidhet me vendin ku aplikuesi jeton.
FOTOGRAFITË
Fotografitë e t? regjistruarve duhet të jenë foto personale pa syze, të nxjerrë 6 muajt e fundit, për aplikantin kryesor, të bashkëshortit/ es, si dhe të të gjithë fëmijëve të përfshirë në regjistrim. "Nuk është e nevojshme të përfshini një foto të bashkëshortes/ it dhe fëmijëve tashmë qytetarë amerikanë ose Rezidentë të Përhershëm të Ligjshëm ( me green card), por në rast se i përfshini nuk do të ketë pasoja në aplikimin tuaj për vizë shumëllojshmërie. Fotografitë në grup nuk do të pranohen; duhet të paraqisni nga një fotografi për çdo individ. Regjistrimi juaj mund të skualifikohet ose viza juaj të refuzohet nëse fotografitë tuaja nuk janë të kohëve të fundit, janë të manipuluara në një formë apo në tjetrën, ose nuk respektojnë specifikimet e mëposhtme. Nëse përfshini fotografi që e kishit përdorur në regjistrimin e vitit të kaluar ( DV- 2020), ju do të skualifikoni automatikisht, ndaj përdorni fotografi të nxjerrë kohët e fundit",- theksohet në njoftim.
TË DHËNA TË TJERA
Gjithashtu në pikën e tetë të pyetjeve, kandidatët duhet të vendosin saktë adresën postare, ndërsa në pikën 9, shtetin ku aplikanti jeton aktualisht. Më tej të interesuarit duhet të plotësojnë informacionin mbi numrin e telefonit; adresën e E- maili ( një adresë poste elektronike ( e- mail) në të cilën aplikanti ka akses t? drejtpërdrejt). "Nëse aplikimi juaj përzgjidhet dhe ju i përgjigjeni njoftimit të përzgjedhjes tuaj nëpërmjet Kontrollit të Statusit të t? Regjistruarit, ju do të merrni e- maile të tjera komunikuese nga Departamenti i Shtetit duke ju njoftuar që informacion me detaje i intervistës për vizën emigruese ? sht? vendosur në Kontrollin e Statusit të të Regjistruarve. Departamenti i Shtetit kurrë nuk do t'ju dërgoj? një e- mail duke ju thënë se ju jeni përzgjedhur për programin e DV- s?",- thekson Departamenti Amerikan i shtetit.
SKADIMI I PASAPORTËS
"Aplikuesi kryesor i Programit të Lotarisë duhet të vendosë të dhënat e pasaportës së pa skaduar në aplikimin fillestar. Nëse pasaporta juaj skadon pasi të keni kryer aplikimin dhe ju përzgjidheni, rekomandojmë të ruani një kopje të pasaportës së vjetër, nëse do t'ju kërkohet gjatë procesit",- bën me dije ambasada.
VEND I KUALIFIKUESHËM
Për sa i përket pyetjes mbi vendin e kualifikueshëm për Programin e Lotarisë, aplikantët që kanë lindur në Shqipëri, nuk ka nevojë t'i përgjigjen kësaj pyetjeje.
Vendi i kualifikueshëm për Programin e Lotarisë normalisht do të jetë i njëjtë me atë të lindjes. Vendi i kualifikueshëm për Programin e Lotarisë nuk lidhet me vendin ku aplikuesi jeton.