Rama në Serbi takon Vuçiçin për "Shengenin ballkanik"
Kryeministri darkon me presidentin serb dhe kryeministrin Zoran Zaev Lehtësi lëvizjeje për njerëzit dhe bizneset
Ndërkohë kryeministri Rama deklaroi të enjten e kaluar në "Real Story" në News24 se kjo nuk ka të bëjë fare me Jugosllavinë, por me zhdukje të kufijve mentalë të ballkanasve. Sipas shefit të qeverisë shqiptare, vendet e rajonit së bashku janë më të fuqishëm dhe krijojnë treg më të madh sesa të copëtuar.
MEDIAT SERBE
SHBA është duke përgatitur një paketë me anë të së cilës planifikojnë të zgjidhin të gjithë çështjen e Ballkanit, duke përdorur ' një karotë dhe një shkop', sipas një tradite të vjetër diplomatike amerikane, shkruan Telegrafi serb. Ish- ambasadori amerikan në Serbi, Cameron Munter zbuloi strategjinë e Uashingtonit, sepse, sipas gazetës, ajo që tha Munter pas takimit me presidentin Aleksandar Vuçiç përkon me ato që u thanë në qarqet diplomatike.
Burimi i gazetës deklaroi se fjalët e Manter ishin në të vërtetë një lloj skicë e paketës amerikane për Ballkanin, realizimi i së cilës filloi praktikisht me emërimin e Matthew Palmer si të dërguar special për Ballkanin Perëndimor, shkruan Telegrafi serb. "Paketa ka më shumë ngjashmëri me pikëpamjen e Uashingtonit për zgjidhjen e krizës midis Izraelit dhe Palestinës. Mund të thuhet se është plotësisht e qartë se e njëjti nënshkrim qëndron prapa çdo gjëje", thotë një burim, i cili citohet të thekson se ai është një nga njohësit më të mirë të lëvizjeve aktuale në Shtetet e Bashkuara, raporton INA.
Detajet e paketës amerikane mund të ndryshojnë, por ato nuk do të jenë thelbësore, shkruan gazeta. Gazeta thotë se plani përfshin një ofertë për ndarjen e Kosovës, për të fshirë në mënyrë efektive kufijtë në Ballkan, një lloj bashkimi ekonomik, një autonomi edhe më të madhe për shqiptarët në Maqedoninë Veriore, por edhe mbijetesën e tërë Bosnjës, me lëshime të rëndësishme për serbët në Republika Srpska. Sipas gazetës, ekziston një anë tjetër e medaljes, dhe thelbi i saj është se "nuk do të shkojë mirë për këdo që nuk e pranon ' karotën amerikane'".