Pedagogët e Botanikës: Grabitja e kopshtit është bërë hajdutërisht
pedagogët e katedrës së Botanikës vendimmarrja cilë sohet si tejet e gabuar që hedh hije dyshimi dhe mbi të gjitha vlerësohet në shkelje e ligjit për arsimin e lartë. "Asambleja e personelit akademik të FSHN, e mbledhur në një takim të jashtëzakonshëm, kundërshton njëzëri kalimin e Kopshtit Botanik në pronësi të Bashkisë së Tiranës. Asambleja akuzon Ministrinë e Arsimit për mungesë transparence dhe hedh poshtë çdo pretendim të Bashkisë Tiranë për dizinformim nga Rektorati dhe strukturat e FSHN- së. Ajo është në ndjekje dhe në pritje të vendimit të Gjykatës Administrative. Ky qëndrim i Asamblesë i shprehur dhe në deklaratë, dëshmon qartë se grabitja e Kopshtit Botanik është bërë hajdutërisht, fshehtas, duke anashkaluar çdo konsulencë, opinion apo mendim të anëtarëve të Asamblesë dhe të strukturave drejtuese të FSHN- së dhe të UT- së. Grabitja njëkohësisht është realizuar në kundërshtim të plotë me Ligjin e Arsimit të Lartë dhe statutin e Universitetit të Tiranës",- thuhet në deklaratën e Asamblesë së Personelit Akademik të Fakultetit të Shkencave të Natyrës. Kopshti Botanik i Tiranës zë një sipërfaqe prej rreth 14 hektarësh në anën jugore të kryeqytetit dhe është ngritur pas një përpjekje të gjatë e të përkushtuar të profesorëve, arkitektëve dhe studentëve në mesin e viteve 1960- të, për t'u çelur përfundimisht në vitin 1971. Misioni parësor i Kopshtit Botanik është njohja e florës së Shqipërisë, si dhe ruajtja e llojeve të rralla dhe të rrezikuara.
Historikisht, Kopshti Botanik ka qenë në varësi të Fakultetit të Shkencave të Natyrës të Universitetit të Tiranës, dhe stafi shkencor i Kopshtit Botanik krahas aktivitetit shkencor për të zhvilluar atë, ka zhvilluar edhe veprimtari mësimdhënëse dhe shkencore në Katedrën e Botanikës.