Tirana, Beogradi dhe Shkupi bien dakord për "Shengenin ballkanik"
Lëvizje pa barriera për mallrat dhe qytetarët, Rama, Vuçiç e Zaev: Ftojmë 6 vendet e Ballkanit të na bashkohen Kryeministri i Shqipërisë: Historia na ka lënë mbrapa
Brenda vitit 2021 qytetarët e Shqipërisë, Serbisë dhe Maqedonisë së Veriut do të lëvizin të lirë dhe pa asnjë kosto shtesë në të tria vendet respektive. Kjo, falë mirëkuptimit të arritur dje në Novi Sad mes Presidentit të Serbisë, Aleksandër Vuçiç, kryeministrit të Shqipërisë, Edi Rama dhe kryeministrit të Maqedonisë së Veriut, Zoran Zaev për krijimin e një shengeni Ballkani. Takimi trilateral i Novi Sadit miratoi deklaratën, në bazë të së cilës konfirmohet vullneti për të formuar një union ballkanik dhe që synon të lehtësojë lëvizjen e lirë e njerëzve, mallrave, shërbimeve dhe kapitaleve. Duke folur në një konferencë të përbashkët për mediat fill pas takimit të zhvilluar në Novi Sad, zyrtarët e lartë të të tria vendeve, duke lënë pas marrëdhëniet delikate dhe konfliktuale të së shkuarës, u shprehën optimist se ky bashkëpunim do të sjellë shumë përfitime direkte për qytetarët, ndërsa theksuan se ftesa për t'u bërë pjesë e këtij "mini shenegeni" është për vendet e tjera të Ballkanit Perëndimor.
KONFERENCA
Në fjalën e tij kryeministri shqiptar Edi Rama tha se angazhimet dhe projektet që synohen të çohen përpara janë dakordësuar në kuadër të Procesit të Berlinit, ndërsa theksoi se Ballkani Perëndimor nuk është më prioritet i Bashkimit Evropian, por kjo nuk duhet t'i pengojë tri shtetet që çojnë përpara agjendën e bashkëpunimit. "S'ka ndryshim agjende në raport me partnerët ndërkombëtarë, por ka një ndryshim formati që është i ndërtuar mes nesh pa pritur që Bashkimi Evropian të ketë kohë të merret me ne. Le ta themi siç është realiteti, ne nuk jemi prioriteti i BE- së, prioriteti i tyre është procesi ku kanë hyrë për të reformuar veten. Ne nuk mund të presim të bëhemi prioriteti i BE- së, por të avancojmë duke strukturuar një veprim shumë më aktiv", - u shpreh Rama. Presidenti Aleksandar Vuçiç u shpreh se synimi është që qytetarët e Serbisë dhe Shqipërisë dhe Maqedonisë të kalojnë kufirin vetëm me kartë identiteti dhe kjo pritet të arrihet deri në vitin 2021. "Dokumenti që do të shihni bazohet në lëvizjen e lirë të njerëzve dhe shërbimeve, pasi qytetarët tanë meri
EDI RAMA
"S'ka ndryshim axhende në raport me partnerët ndërkombëtarë, por ka një ndryshim formati, që është i ndërtuar mes nesh pa pritur që Bashkimi Evropian të ketë kohë të merret me ne. Le ta themi siç është realiteti, ne nuk jemi prioriteti i BE- së, prioriteti i tyre është procesi ku kanë hyrë për të reformuar veten. Ne nuk mund të presim të bëhemi prioriteti i BE- së, por të avancojmë duke strukturuar një veprim shumë më aktiv", - u shpreh Rama.