Gjiknuri: Diskutojmë sistemin paralelisht me rekomandimet e OSBE- ODIHR
"S'është në autoritetin tim të merremi me strukturë të posaçme"
Mazhoranca duket se ka humbur edhe mbështetjen e opozitës parlamentare për të miratuar reformën zgjedhore pa u diskutuar bashkë me të dhe propozimi për ndryshimin e sistemit zgjedhor. Komisioni i Reformës Zgjedhore nuk ka arritur dje që të gjejë gjuhën e përbashkët lidhur me propozimin e shumicës qeverisëse që reforma zgjedhore të miratohet në dy etapa, ku në të parën të përfshihen vetëm rekomandimet e OSBE- ODIHR- it dhe në fazën e dytë që duhet të jetë më vonë të diskutohen çështjet e nxehta përfshi diskutimi për sistemin, votën e emigrantëve apo edhe depolitizimi i komisioneve zgjedhore. Pas mbledhjes së djeshme, bashkëkryetarja e komisionit, Rudina Hajdari ka konfirmuar për mediat se nuk do të ketë një reformë me dy etapa, por ajo do të jetë një dhe tërësore. "Duhet të gjejmë gjuhën e përbashkët, të bëjmë reformë zgjedhore dhe një sistem afatgjatë. Nuk do ketë reformë me dy faza por do ketë reformë tërësore", - deklaroi ajo. Ndërkohë që bashkëkryetari socialist i Komisionit të Reformës Zgjedhore konfirmoi për mediat se, nëse kjo reformë do të bëhet në dy faza, miratimi i rekomandimeve që ka bërë OSBE- ODIHR dhe që përbëjnë dhe një nga kushtet e Bundestagut është e mundur të bëhet brenda dhjetorit të këtij viti. "Rekomandimet e OSBE/ ODIHR për reformën zgjedhore janë të realizueshme brenda dhjetorit", - tha Gjiknuri. Gjithsesi përballë kokëfortësisë dhe kushtëzimit të opozitës, Gjiknuri lë të kuptohet se mazhoranca është e gatshme që të mund ta hap që tani debatin për sistemin, por kjo nuk do të thotë që të pranojë propozimin e opozitës parlamentare. "Opozita ka të drejtën e propozimit për sistemin zgjedhor që do të adresohet paralelisht me rekomandimet e OSBE- së. Ne e bëmë të qartë që çështja e sistemit, vota e emigrantëve apo të tjerë të komplikuar do të duan më shumë kohë, ne duam që brenda dhjetorit të mbyllim çështjet që kanë të bëjnë me rekomandimet", -
SISTEMI
"Opozita ka të drejtën e propozimit për sistemin zgjedhor që do të adresohet paralelisht me rekomandimet e OSBE- së. Ne e bëmë të qartë që çështja e sistemit, vota e emigrantëve apo të tjerë të komplikuar do të duan më shumë kohë, ne duam që brenda dhjetorit të mbyllim çështjet që kanë të bëjnë me rekomandimet"