Riorganizimi i PS- së, përplasje mes socialistëve të Durrësit
në drejtimin e bashkisë dhe procesi i zgjedhjeve të brendshme duket se ka prishur harmoninë mes socialistëve të Durrësit. Prej ditësh tashmë socialistët e degës së qytetit bregdetar janë përfshirë në një debat të ashpër, i cili siç raportojnë mediat është shoqëruar edhe me përplasje fizike. E gjithë kjo sipas kandidatit për kreun e PS- së Durrës, Ardit Kërtusha, për shkak se janë ndryshuar krerët e disa organizatave që kanë mbështetur atë dhe jo kryetarin aktual të kësaj force në këtë qytet. Në një lidhje telefonike për "Neës24" se nuk ka presion që i bën të tërhiqen nga gara. Nga ana tjetër, kreu aktual i PS Durrës Luan Zaza e mohon situatën problematike dhe se Kërtusha është kërcënuar. Sipas tij Kërtusha nuk ka marrë pjesë në mbledhjet e PS- së. "Është e vërtetë PS e Shqipërisë ka hyrë në proces reformimi, proces zgjedhje. "Nuk ka presion dhe nuk ka vende pune dhe nuk ka ndryshim kryetarësh organizatash që do të na mposhtin dhe do të na tërheqin nga kjo garë. Ne do ta çojmë deri në fund garën tonë dhe kauzën e gjithë socialistëve për të vazhduar më tej punën që ka nisur kryetari jonë Edi Rama. Është një garë dhe kuptohet që brenda garës ka dhe përplasje e konflikte. Nuk besoj se ka rëndësi, sepse është një garë e brendshme. Por për t'ju sqaruar janë ndryshuar disa kryetarë të organizatave që më mbështesin dhe janë munduar t'i zëvendësojnë me emra të rinj. Por edhe ata që do ndryshohen do votojnë për ne, sepse ne jemi ndryshimi, alternativa e re e kësaj partie. Nuk na lejojnë në takime, po bëhen disa gjëra selektive, por kjo nuk na pengon që të vazhdojmë garën tonë", - deklaroi Kërtusha. Ndërkohë kreu aktual i PS Durrës, Luan Zaza thotë se procesi i riorganizimit vijon normalisht. "Absolutisht nuk është kërcënuar dhe nuk ka pasur asnjë kontakt me mua dhe PS. Dhe në mbledhjen e organizatës ku bën pjesë nuk ka marrë pjesë dhe në mbledhjen e organizatës ku është anëtar. Nuk kam asnjë kontakt me zotin Kërtusha", - u shpreh Zaza.