Nëna e viktimës: Djali doli nga shtëpia në darkë, ja si e mësova lajmin e kobshëm
Vrasja në Kavajë, flet gjyshi i Marsida Qatajt: Lajmin e morëm vesh nga "News 24" Familjarët: Ishte tip problematik dhe rrinte i armatosur
Dritani Haxholli doli në orën 22: 00 tëmbrëmjes së djeshme nga banesa, për mos t'u kthyer më kurrë. Por nëna e tij e moshuar, me të çilin ajo jetonte nuk ishte shqetësuar, pasi ky ishte një ritual i zakonshëm tashmë për të birin e saj 41vjeçar, i çili u vra pak pas mesnate në Kavajë pas një sherri për ish- të dashurën. Mësohet se pasi ka mbërritur në banesën private të viktimës, ka folur me nënën, ndërsa kjo e fundit jashtë kamerës ka pohuar se lajmin e kobshëm e kishte mësuar nga televizori. "Dritani u largua rreth orës 22: 00 nga banesa dhe nuk u kthye më. Nuk isha e shqetësuar, pasi daljet e tij ishin të zakonshme. Lajmin e kobshëm e dëgjova në televizor", është shprehur nëna e viktimës. Ndërkohë, "GSH" ka siguruar të tjera detaje nga viktima, i çili prej disa kohësh ishte në një lidhje me Marsida Qatjan, e martuar dhe nënë e 3 fëmijëve. Sipas familjarëve të 41- vjeçarit, ky i fundit kishte qenë për shumë kohë në burg në Greqi dhe Shqipëri për drogë, ndërsa pohuan se ai kishte temperament të vështirë. "Dritan Haxholli ka qenë në burg në Greqi dhe në Shqipëri për shpërndarje të lëndëve narkotike. Marrëdhënia me Marsidën ka qenë veç lidhje pasioni dhe jo serioze, pasi ai nuk na e kishte prezantuar atyre, pasi ajo ishte e martuar", janë shprehur të afërmit. Ata thanë se Dritani ishte tip problematik e konfliktual dhe rrinte i armatosur. Sipas tyre, më herët ai ka qenë i martuar dhe është divorcuar, ndërsa ka një vajzë 13 vjeçe që jeton me nënën e saj. E ndërsa familja ka hapur dyert e mortit, në lidhje me ngjarjen e rëndë ka folur dhe gjyshi i 30- vjeçares Marsela Qatja. "Dëgjuam te ' Neës 24' se një ngjarje e rëndë ka ndodhur në Kavajë. Që ishte vrarë një qytetar dhe një polic është plagosur. Por s'e dija se kush ishte. Ishte e papritur". Kështu deklaroi dje gjyshi i Marsida Qatjas, nëna e 3 fëmijëve që u bë ' mollë sherri' për ngjarjen në Kavajë, ku humbi jetën 41- vjeçari Dritan Haxholli dhe u plagos Bledar Toçi, polic burgu. Isuf Llulla në një intervistë për mediat deklaroi se nuk ishte në dijeni të shqetësimeve që kishte Qatja me Haxhollin, me të cilin kishte pasur një marrëdhënie jashtëmartesore, ndërsa burri i saj vuan dënimin në burg në Gjermani. "Gazeta Shqiptare" ka zbardhur intervistën e plotë të gjyshit të Marsida Qatjas.
Si e keni mësuar ngjarjen?
Dëgjuam tek "News 24" se një ngjarje e rëndë ka ndodhur në Kavajë. Që ishte vrarë një qytetar dhe një polic është plagosur. Por se dija se kush ishte. Ishte e papritur.
Kishte pasur kërcënime më parë Marsida?
Jo s'më ka thënë gjë. Se po ta dija, ndoshta do i dilnim kësaj të keqe përpara. S'më ka thënë gjë,
Jeni gjyshi?
Po, gjyshi i Marsidës. Me kë jetonte Marsida? Vetëm me 3 fëmijët. Ka dy fëmijë nga burri i parë dhe 1 nga burri i dytë. Ka 3 vjet e martuar. Ai është në Gjermani. Di që ajo ka shkuar disa herë në Gjermani.
Po burri ku ndodhet? Burri ndodhet në Gjermani.
Sipas policisë ndodhet në burg?
Unë e di që nuk ndodhet në burg.
Prej sa vitesh ishte martuar?
Marsida ka 2.5 vite që është martuar.
Shkonte në Gjermani? Ka qenë 4- 5 herë.
Ka pasur konflikte të mëparshme me viktimën? A e ka kërcënuar ndonjëherë? A e ka denoncuar?
Ajo mund të më jetë ruajtur mua për të mos krijuar këto polemika. Por mund të ketë pasur. S'më ka thënë.
Si i keni marrëdhëniet me Marsidën?
Si i kam marrëdhëniet?! Unë e kam rritur me sakrifica.