PS: Qëndrimi Francës, jo për faj të Shqipërisë, presidenti lojë kundër

Mazhoranca

qever isëse nuk ndjen asnjë përgjegjësi për "Jo"në që ka vendosur të shprehë Franca ndaj çeljes së negociatave për Shqipërinë edhe këtë vit. Duke folur në studion e "News 24", ministrja e Shtetit për Marrëdhëniet me Parlamentin, Elisa Spiropali tha se qëndrimi i Francës ka të bëjë me mënyrën se si ajo e sheh të ardhmen e Bashkimit Europian dhe aspak me atë se çfarë kanë bërë dy vendet aspirante, Shqipëria dhe Maqedonia e Veriut për ta merituar hapjen e negociatave të anëtarësimit. "Qëndrimi i Francës është bërë publik, është një raport që ata kanë me BE nuk ka të bëjë as me Shqipërinë dhe as me Maqedoninë e Veriut dhe as me detyrat që këto shtete kanë bërë, por me kërkesat që ka Franca ndaj komisionit e shteteve të tjera", - tha Spiropali. Sipas saj, vendimi i shteteve anëtare si Franca dhe Holanda nuk ka të bëjë me Shqipërinë, por me gjendjen e BE në këtë pikë. Ndërkohë nuk munguan akuzat për Presidentin e Republikës, Ilir Metën, për të cilin tha se u bë pjesë e lojës së opozitës kundër negociatave, duke kujtuar intervistën e tij për median estoneze. "Për fat të keq pjesë e kësaj loje u bë dhe Presidenti i Republikës, ku në median estoneze deklaroi që kryeministri i Shqipërisë nuk e ka qejf demokracinë dhe do të uzurpojë institucionet. Përfytyroni dot ndonjë president shteti që shkon edhe flet me këto terma kundër vendit të tij? Nuk ekziston, sepse nuk ka dhe nuk e keni dëgjuar sepse nuk ekziston. Të gjithë këto elementë e kanë bërë rrugëtimin e Shqipërisë shumë të vështirë dhe kjo është një sëmundje shumë e vjetër e politikës shqiptare. Qameti u bëftë, vetëm unë të jem në pushtet. U djegtë gjithçka po unë të fitoj kapital politik. Ne nuk e shohim si fitim kapitali politik për qeverinë çeljen e negociatave, por si një të mirë të madhe për Shqipërinë dhe një përkthim të vullnetit popullor", - tha Spiropali.