Integrimi, zbulohet dokumenti i KE- së: Negociatat të hapen me kushte
Merkel takon Macron, përpiqet të bindë Francën të thotë "Po"
Kur mbeten edhe pak ditë nga vendimi për çeljen e negociatave të anëtarësimit për Shqipërinë dhe Maqedoninë e Veriut, të gjitha vendeve të Bashkimit Europian i është shpërndarë një dokument konkret mbi vendimmarrjen që do konkludohet këtë javë. Me anë të këtij dokumenti që përfshin draft- konkluzionet e Këshilli të Ministrave të Jashtëm të Bashkimit Europian, mbledhja e të cilit do të mbahet të martën sugjerohet që konferenca e parë e anëtarësimit të zhvillohet brenda 6 muajve të parë të vitit të ardhshëm, ashtu siç edhe kishte përcaktuar Bundestagu. Dokumenti mban "vulën" gjermane, pasi në të janë përfshirë të gjitha kushtet e Bundestagut për hapjen e negociatave për Shqipërinë. Kështu, më konkretisht sipas këtij dokumenti para konferencës së parë ndërqeveritare, e cila duhet të zhvillohet jo më vonë se në gjysmën e parë të vitit 2020, në varësi të progresit të bërë, vendi ynë duhet të sigurojë funksionimin e Gjykatës Kushtetuese dhe Gjykatës së Lartë si dhe të bëjë progres të mëtejshëm në lidhje me reformën zgjedhore në përputhje me rekomandimet e OSBE/ ODIHR. Ndërkohë që kushtet e vendosura nga Bundestagu reflektohen edhe në lidhje me çeljen e kapitujve të parë të negociatave, proces që do të vijojë më pas. Kështu para se të hapen kapitujt e parë, Shqipëria sipas këtij draftdokumenti duhet të adresojë dhe të ketë rezultate konkrete në disa çështje të rëndësishme si: fillimi i hetimeve për gjyqtarët dhe prokurorët e dyshuar për sjellje kriminale si rezultat i gjetjeve nga procesi i vetingut, fillimin e hetimeve për çështjet e manipulimeve zgjedhore, sigurimin e funksionimit të SPAK- ut, forcimin e mëtejshëm të historikut të hetimeve, procedimeve dhe dënimeve në luftën kundër korrupsionit e krimit të organizuar, përfshirë edhe nivelet e larta, miratimin dhe zbatimin e ligjit zgjedhor në përputhje me rekomandimet e OSBE/ ODIHR si dhe zbatimin e çdo vendimi të Gjykatës Kushtetuese në lidhje me zgjedhjet lokale të 30 qershorit. Draft - konkluzionet Këshillit të Ministrave duhet thënë se kanë ndryshuar disa herë dhe kësaj radhe ai përmban më shumë doza
frenuese, duke dashur që të bindë edhe vendet skeptike që janë shprehur kundër çeljes së negociatave për dy vendet ballkanike. Kështu dokumenti i 27 shtatorit propozonte hapjen e negociatave pa kushte dhe zhvillimin e konferencës së parë ndërqeveritare brenda këtij
viti, ndërsa dokumenti i 11 tetorit vendos kushtet për Shqipërinë dhe shtyn konferencën e anëtarësimit edhe për Shqipërinë edhe për Maqedoninë e Veriut në vitin 2020. Por pavarësisht këtij lëshimi që është bërë në raport me dokumentin e mëparshëm, duket se një ven
dimmarrje pozitive kundrejt hapjes së negociatave duket e vështirë. Kjo pasi i gjithë fati i negociatave, në fakt, varet sërish nga Gjermania, ku Kancelarja Angela Merkel duket se ka marrë përsipër të bindë Francën në lidhje me procesin e zgjerimit. Kancelarja ka udhëtuar
KUSHTET
Para konferencës së parë ndërqeveritare, e cila duhet të zhvillohet jo më vonë se në gjysmën e parë të vitit 2020, në varësi të progresit të bërë, vendi ynë duhet të sigurojë funksionimin e Gjykatës Kushtetuese dhe Gjykatës së Lartë si dhe të bëjë progres të mëtejshëm në lidhje me reformën zgjedhore në përputhje me rekomandimet e OSBE/ ODIHR.
dje drejt Parisit ku është takuar me Presidentin Macron, por ende nuk dihen detajet e këtij takimi, ku është diskutuar edhe për shumë çështje të tjera që kanë të bëjnë me BE- në dhe marrëdhëniet mes dy vendeve. Natyrisht që krahas Francës, e cila në
mënyrë zyrtare dhe publikisht nuk e ka thënë fjalën e saj të fundit për këtë proces, problem mbeten edhe Holanda dhe Danimarka të cilat po ashtu kanë shprehur skepticizmin e tyre në lidhje me rolin që luajnë, kryesisht Shqipëria në luftën kundër krimit dhe korrupsionit.