Shkupi me sytë nga takimi Merkel - Macron, kryeministri maqedonas: BE duhet të mbajë fjalën
Zoran Zaev i bindur për hapjen e negociatave
ZORAN ZAEV:
"Jemi të bindur se ajo është rrugë, se është proces në të cilin duhet të kalojmë. Presim që ta bëjmë hapin e ardhshëm, kjo është fillimi i bisedimeve, hapjen e kapitujve për fondet që të vazhdoj transformimi i shoqërisë sonë drejt shoqërisë evropiane. Këto janë qëllimet tona", tha Zaev.
i bisedimeve, hapjen e kapitujve për fondet që të vazhdojë transformimi i shoqërisë sonë drejt shoqërisë evropiane. Këto janë qëllimet tona", tha Zaev. Ndërkaq vëmendja e opinionit vendas në Maqedoninë e Veriut dhe në Shqipëri është kthyer kah Parisi, me shpresë se
Kancelarja gjermane do të arrijë ta bind Presidentin francez të "zbutet" rreth procesit të zgjerimit të Bashkimit Evropian. Sipas informacioneve, të cilat këtyre ditëve vijnë nga burime diplomatike, Presidenti Macron insiston që së pari të bëhen reforma të brendshme në BE, të përcaktohet metodologji e re për përparimin e vendeve kandidate, ku Parisi zyrtar gjen shumë mungesa në shkallën e demokracisë dhe në sundimin e së drejtës, dhe pastaj të hapen dyert për anëtare të reja. Zv/ kryeministri për çështje evropiane i Maqedonisë së Veriut, Bujar Osmani, dje në intervistë për Sitel pranon se ka rezerva të mëdha për shkak të qëndrimit të Parisit zyrtar. "Ende nuk kemi qëndrim nga Franca, kemi pozicione të ndryshme të Francës dhe dilema në raport me përcaktimin e metodologjisë së re për negociata dhe nëse ajo do të futej në përdorim, para ose pas fillimit të negociatave. Jam optimist, por megjithatë me rezervë të madhe, për shkak të pasigurisë që e imponon ky mosdefinim i pozicionit të Francës deri në momentin e fundit". Autoritetet në Shkup me muaj shprehin bindjen se negociatat "janë në prag", për çka do të vendoset në samitin e Bashkimit Evropian ditën e enjte dhe të premte në Bruksel. Rruga evropiane e Maqedonisë së Veriut me vite ishte e bllokuar nga Greqia, deri në arritjen e marrëveshjes për kontestin e emrit.