Tronditet Tirana, i vendoset tritol kunatit të porositësit të vrasjes së Devi Kasmit
Ngjarja, hetime në tri pista: Konkurrencë, hakmarrje dhe konflikte pronësie Mjeti tip “Benz” me targa gjermane i Artion Bylykut shpërtheu në flakë sapo hapi derën
Një shpërthim me lëndë plasëse ka ndodhur në orët e para të mëngjesit të djeshëm në rrugën “Ramazan Bogdani”, në Tiranë. Mësohet se tritoli ishte vendosur në një makinë tip “Benz” në pronësi të Artion Bylykut, e cila qëndronte e parkuar pranë një pallati. Tritoli ka shpërthyer sapo ky i fundit ka hapur derën e automjetit, por fatmirësisht nuk ka pësuar dëmtime. Sipas burimeve nga vendngjarja, eksplozivi i është vendosur një “Benz”- i të zi i kohës së fundit, me targa gjermane. Burime zyrtare nga policia bënë me dije se shpërthimi ka ndodhur në kohën kur kjo zonë është mjaft e populluar edhe nga fëmijët e shkollave, duke hapur panik në zonë.
“Rreth orës 07: 45 në rrugën ‘ Ramazan Bogdani’ në automjetin në pronësi të shtetasit A. B. dyshohet të ketë shpërthyer një sasi e dyshuar lëndë plasëse. Si pasojë e shpërthimit nuk ka dëme në njerëz, por vetëm disa dëme materiale. Grupi hetimor ndodhet në vendngjarje ku po vijon punën për sqarimin e rrethanave të ngjarjes”, thuhej në njoftimin paraprak të policisë. Gjithashtu, blutë kryen shpërthimin e kontrolluar, ndërsa raportuan se ka qenë një sasi e vogël lënde plasëse. Dyshimet e para janë se kjo ngjarje ka qenë si një paralajmërim për pronarin e mjetit. Ndërkaq, mësohet se Artion Bylyku merrej me tregti makinash dhe ka qenë i hetuar për një vrasje të ndodhur në vitin 1992. Tri pistat ku po hetohet ngjarja e ndodhur janë konkurrenca, hakmarrja dhe konfliktet e pronësisë. Ai është kunati i Domart Konjarit, i dyshuar si porositësi i vrasjes së Devi Kasmit, i cili u ekzekutua nga ish- speciali grek Efthimios.
KUSH ËSHTË ARTION BYLYKU
50- vjeçari rezulton të jetë
Vendi
tregtar makinash. Bylyku është kunati i “të fortit” të Tiranës, Domart Konjari, pra është i martuar me
TIRANË motrën e këtij të fundit. Dihet që Konjari është një emër i njohur për drejtësinë shqiptare dhe atë franceze.
HETIMI
Sipas burimeve policore, dyshohet se shpërthimi me tritol ka qenë si një paralajmërim për pronarin e mjetit. Mësohet se Artion Bylyku merrej me tregti makinash dhe ka qenë i hetuar për një vrasje të ndodhur në vitin 1992. Tri pistat ku po hetohet ngjarja e ndodhur janë konkurrenca, hakmarrja dhe konfliktet e pronësisë. Ai është kunati i Domart Konjarit, i dyshuar si porositësi i vrasjes së Devi Kasmit, i cili u ekzekutua nga ishspeciali grek Efthimios.
Domart Konjari është në arrati, ndërsa akuzohet për një sërë veprash penale në Francë si, “trafik ndërko
mbëtar droge” dhe “krijimi i organizatave kriminale”.
Konjari u arrestua në nëntor të vitit 2015, për llogari të autoriteteve franceze, por pesë muaj më vonë, Apeli i Krimeve të Rënda zbuti masën e sigurimit ndaj tij, nga “arrest me burg” në “detyrim paraqitjeje”. Kjo bëri që Konjari të arratisej dhe të jetë ende në kërkim. Në dosjen që Krimet e Rënda kanë marrë nga autoritetet franceze, renditen me detaje të gjitha veprimtaritë e Konjarit në Shqipëri, Francë, Holandë, Belgjikë, Spanjë, Itali dhe Gjermani. Ai akuzohet për disa vrasje dhe për trafik ndërkombëtar kokaine. Vrasja më e fundit, e cila dyshohet se është porositur nga Konjari, është ajo e Devi Kasmit.