Antiinformaliteti deri në dhjetor, kontroll edhe për 2500 biznese
Rreth 8 mijë bizneseve u rishikohet me rritje kësti i tatim- fitimit Shkeljet, për 13400 individë do të paguhen kontribute
Aksioni antiinfor malitet do të zgjasë deri në fund të vitit. Në fokus të punës për periudhën e mbetur do të jetë rreth 2500 biznese të konsideruara me risk të lartë. Janë gjetur me nëndeklarim të pagave rreth 7200 tatimpagues dhe 13 mijë e 400 të punësuar, të cilët janë të prekur nga nëndeklarimi i pagave dhe u janë marrë dokumentet për pagesën e detyrimeve për kontributet shëndetësore dhe sigurimet shoqërore. Lajmi është bërë i ditur nga drejtoresha e përgjithshme e Tatimeve, Delina Ibrahimaj, dje gjatë një konference ku publikoi rezultatet dhe vijimësinë e planit operacional kundër informalitetit. Ibrahimi bëri të ditur se është rishikuar kësti i tatim- fitimit për më shumë se 8 mijë biznese, që këtë vit kanë deklaruar më shumë fitime. Drejtoresha e Tatimeve shtoi se të gjitha pompat e karburanteve tashmë funksionojnë me kasa automatike dhe jo manuale. Pas vizitave fiskale në karburante, deklarimi është rritur me 5 për qind. Tatimet u japin bizneseve 10 ditë kohë që të korrigjohen. Ndërtimi ka qenë një tjetër sektor që është karakterizuar me risk të lartë për evazion. "Në ndërtim për 159 subjektet që janë konsideruar me risk, kemi kryer 114 vizita fiskale. Kompanitë kanë korrigjuar deklarimin e tyre", tha Ibrahimi. Drejtoresha e Tatimeve tha se po diskutohet që të forcohen masat shtrënguese për moslëshimin e kuponit tatimor. "Për kapje për mosdhënie kuponi për herë të dytë, propozimi është që biznesit t'i bllokohet aktiviteti deri në pagesën e penalitetit. Subjekti s'ka në nevojë të shkojë në gjykatë, por mjaft të paguajë penalitetin". Ajo paralajmëroi një përshkallëzim të penaliteteve. Pas daljes së listës së Kontrollit të Lartë të Shtetit për subjektet që kanë më shumë borxhe ndaj Tatimeve, Ibrahimi tha se, "për këto subjekte do të merren masa ndëshkuese. Nga 892 tatimpagues debitorë, për 282 subjekte që kanë xhiron më të lartë, sektori i administratës do të shkojë për konfiskimin e 50 për qind të xhiros. Janë 51 subjekte që kanë vlerë më të lartë detyrimi, që nuk kanë paguar asnjëherë TVSH. Këtyre subjekte do t'u shkojë sektori i hetimit për të kryer verifikimet se pse kanë bërë deklarim dhe pse nuk kanë paguar dhe situata e tyre reale".
KONTROLLET
Janë 2419 tatimpagues të cilësuar me risk të lartë dhe që do të kontrollohen, paralajmëroi Ibrahimaj. Në fokus të aksionit janë dhe subjektet që kanë informalitet të punonjësve, ose deklarojnë paga më të ulëta se realet. "Janë 7209 subjekte që paguajnë paga nën mesataren", tha Ibrahimaj. "Do dërgojmë letra ndaj këtyre punëdhënësve". Ndërkohë, 13400 individë do marrin letra me qëllim përmbushjen e deklarimit të pagave dhe pagesës së kontributeve. "Këto janë masat që do të ndërmerren deri në fund të vitit 2019", tha Ibrahimaj në fund të konferencës për mediat.
ANALIZA
Gjatë periudhës 4 korrik30 shtator 2019 janë kryer 6,206 kontrolle dhe janë konstatuar 2,412 shkelje të legjislacionit tatimor, të fokusuar në sektorin e turizmit për vetë specifikat e tij. Strukturat e monitorimit në terren vazhdojnë verifikimet në të gjithë territorin e vendit, të mbështetur në listat e riskut dhe denoncimet, që vijnë nga qytetarët përmes aplikacionit "StopInformalitetit". "Vetëm në dy javët e para të këtij muaji janë kryer 1,334 kontrolle, ndërsa janë konstatuar 239 shkelje të legjislacionit tatimor. 13 subjekte janë konstatuar të paregjistruara në organet tatimore, 33 tatimpagues të penalizuar për shkeljen e moslëshimit të kuponit tatimor ( rasti i parë), ndërsa 2 tatimpaguesve u janë bllokuar ambientet për 30 ditë kalendarike për moslëshim kuponi tatimor ( hera e dytë). 29 tatimpagues janë penalizuar pasi janë konstatuar me punonjës të padeklaruar, nga të cilët 20 subjekte janë të përgjegjësisë tatimore ' biznes i vogël' dhe 9 subjekte janë të
VIZITAT FISKALE
Për tatimpaguesit e identifikuar me rënie në qarkullim janë realizuar vizita fiskale me një program pune të detajuar për të identifikuar, parandaluar dhe luftuar evazionin fiskal. "Nga 159 subjekte të identifikuara me risk në fushën e ndërtimit, kanë përfunduar 114 vizita fiskale në këto subjekte. Në fushën e hidrokarbureve u identifikuan 153 tatimpagues me risk. Për 112 prej tyre kanë përfunduar vizitat fiskale. Njoftimi i këtyre vizitave fiskale ka ndërgjegjësuar ndjeshëm tatimpaguesit duke vetëkorrigjuar situatën e tyre dhe duke rritur vetëdeklarimet. Në fushën e ndërtimit, qarkullimi i tatimpaguesve që janë njoftuar për vizita fiskale është rritur me 5%, detyrimi për TVSH me rreth 36% dhe pagesa e TVSH me rreth 49% krahasuar me të njëjtën periudhë të një viti më parë. Ndërsa për tatimpaguesit në fushën e hidrokarbureve kemi një rritje qarkullimi me rreth 5% dhe detyrimi për pagesë TVSH- je me rreth 49%. Në proces nga drejtoritë rajonale janë 28 tatimpagues të fushës së ndërtimit dhe 23 të fushës së karburanteve. Këto vizita janë parashikuar të përfundojnë në muajin tetor. Janë evidentuar 97 tatimpaguesit me blerjet më të mëdha të karburanteve, që u përkasin aktiviteteve të ndryshme si tregti, ndërtim, prodhim, ku krahas kreditimit më shumë të TVSH- së, do të verifikohet edhe nëse këto sasi i kanë shërbyer aktivitetit", - tha Ibrahimi.