Këshilltarja e Haradinajt: Rama gjestikulacione joserioze në Berlin
Pjesë
e debatit në dis tancë mes kryeministrit Edi Rama dhe homologut të tij të Kosovës, Ramush Haradinaj është bërë edhe këshilltarja e këtij të fundit, Meliza Haradinaj, e cila ka qenë prezente në takimin e liderëve të Ballkanit perëndimor me kancelaren Angela Merkel dhe presidentin e Francës, Emanuel Macron. Nëpërmjet një komenti në rrjetet sociale ajo zbuluar disa detaje nga ky takim, duke konfirmuar pretendimet e kryeministrit Haradinaj se atij i ishte bërë presion nga Rama dhe Thaçi që të hiqte taksën 100 për qind për mallrat serbe. Meliza Haradinaj shkroi dje se kur ishte në Samitin e Berlinit Rama bënte veprime për të rënë në sy dhe gjestikulacione joserioze. "Domosdoshmëria e zgjidhjes së nyjës Kosovë -
Serbi, nuk i jep rol paternalist Edi Ramës që të imponohet si ndërmjetësues. Megjithatë, ai provoi këtë rol edhe në diskutimet informale në Berlin, duke u afruar pa ftesë tek tavolina ku Kancelarja Merkel dhe presidenti Macron i ftoi për pije liderët e Kosovës dhe Serbisë. KM Rama ' kërcente' në diskutimet që filluan aty - pa rend e pa respekt ndaj diskutuesve. Dikur filloi të kapte Presidentin Thaçi për krahu, duke tentuar ta tërhiqte më larg kryeministrit Haradinaj, për të gjetur një bashkëbisedues për dokrrat e tij gjeopolitike që si dëgjonte kush. Dikur kur u bind që Kosova ka lider që zëshëm dhe logjikshëm e argumenton realitetin e Kosovës, dhe atë madje edhe në anglisht edhe në frëngjisht, u spostua në kolltukët anash hollit të Zyrës së Kancelares, duke pozuar para fotoaparatit të ministrit të tij në detyrë. Më pas vazhdoi pa ndonjë rol, duke ofsharë nëpër hollet e katit të 5- të, e duke bërë gjestikulacione joserioze për një kryeministër për të shfaqur pakënaqësinë e tij për mungesë vëmendjeje, edhe pse me mbathje atraktive", - shkroi Haradinaj.