Drafti, Rusia burimi kryesor i dezinformimit, ka dyfishuar aktivitetin

ka zyrta rizuar dje nismën e saj për miratimin e një rezolute të posaçme, ku Kuvendi të shprehë angazhimin kundër ndërhyrjeve të huaja në zgjedhje. Ashtu siç edhe kishte paralajmëruar më parë, kryetari i grupit parlamentar të Partisë Socialiste, Taulant Balla, depozitoi dje në Kuvend projektrezolutën për ndërhyrjet e huaja në proceset elektorale dhe dezinformimin në proceset demo- kratike kombëtare. Në këtë draftrezolutë thuhet ndërhyrja e huaj mund të marrë forma të ndryshme, përfshirë fushatat e dezinformimit në mediat sociale për të formësuar opinionin publik, sulmet kibernetike që synojnë infrastrukturën kritike në lidhje me zgjedhjet, mbështetjen e drejtpërdrejtë dhe jo të drejtpërdrejtë financiare të aktorëve politikë. Për shkak të këtij rreziku, ky dokument i propozuar nga socialistët thekson se duhet të rritet ndër- gjegjësimi për fushatat e dezinformimit të Rusisë, pasi ky i fundit përbën burimin kryesor nga i cili buron dezinformimi në rajon, Evropë e më gjerë. PS- ja bën të ditur se propaganda ruse është burimi kryesor i dezinformimit në Evropë dhe që është dyfishuar që nga janari 2019 ( me 998 raste) në krahasim me 2018 ( me 434 raste). "Aktorët shtetërorë dhe joshtetërorë nga vendet e treta, përpos Rusisë, janë të përfshirë në ndërhyrje dashakeqe në debate publike të vendit tonë", - theksohet në këtë projektrezolutë. Ndaj nisur pikërisht nga kjo situatë, socialistët vlerësojnë nevojën e miratimit sa më shpejt të masave të nevojshme legjislative dhe administrative për të parandaluar dhe luftuar dezinformimin në zbatim të praktikave më të mira evropiane, me qëllim mbrojtjen e proceseve demokratike dhe forcimin e besimit të qytetarëve në institucionet publike. Projektrezoluta thekson se ndërhyrja e huaj në zgjedhje minon të drejtën e shtetasve për të thënë fjalën e tyre në qeverisjen e vendit, direkt ose përmes përfaqësuesve të zgjedhur dhe se një ndërhyrje e tillë nga shtetet e tjera përbën shkelje të së drejtës ndërkombëtare, edhe kur nuk ka përdorim të forcës ushtarake, kërcënim për integritetin territorial ose kërcënim për pavarësinë politike. PS- ja nëpërmjet këtij dokumenti beson se zgjedhjet e lira dhe të ndershme janë në zemër të procesit demokratik dhe prandaj kërkon që institucionet e vendit të ndërmarrin veprime për këtë çështje, në kuadër edhe të proceseve integruese të vendit në BE.