Rama sulmoi prokurorin Ndoja: Ka lidhje me grupet kriminale
"Ndëshkim, përfaqësues i interesave të krimit"
Kryeministri Edi Rama sulmoi disa ditë më parë një prokuror në Durrës, Arjan Ndojën, duke e cilësuar këtë të fundit si të lidhur me krimin e organizuar. "Javën e kaluara një rast flagrant i shkeljes së ligji, por jo vetëm i shkeljes së ligjit, por të transformimit të një figure të sistemit të drejtësisë në përfaqësues të interesave të krimit, që sigurisht nuk do t'i shpëtojë ndëshkimit", deklaroi Rama gjatë një takimi me qetarë të transmetuar në ERTV. "Fatkeqësisht po shohim se pastrimi i llumit nga sistemi i drejtësisë ka edhe një efekt negativ, sepse shumë prokurorë e gjykatës që janë të zhytur deri në fyt po e shfrytëzojnë pushtetin që u jep ligji me moton ' të kapin, çfarë të kapim'", shtoi kreu i ekzekutivit. Sulmi i Ramës ndaj prokurorit nga Durrësi vjen pasi ky i fundit urdhëroi arrestimin e kreut të Kadastrës së qytetit bregdetar, Liridon Pula, një zyrtar i Partisë Socialiste. Masa e sigurisë e kërkuar nga Ndoja për kreun e Kadastrës, Liridon Pulën, u pranua nga Gjykata e Durrësit. Në fillim të muajit, Ndoja u sulmua në disa dalje publike edhe nga zv. kryeministri Erjon Braçe, i cili ishte gjithashtu prezent në gjykatë. Pas shpalljes së vendimit të gjykatës për masën e sigurisë, Braçe e akuzoi prokurorin e Durrësit për presion kriminal ndaj zyrtarit socialist.
"Pa më të voglin diskutim që është akti final i një historie të gjatë gati njëmujore, presioni, shantazhi kriminal mbi punonjësin që sot ishte me pranga në sallën e gjyqit", deklaroi Braçe, duke marrë në mbrojtje zyrtarin e akuzuar.
"Presion dhe shantazh kriminal, që është bërë jo për këtë çështje, por për pallate monstruoze që duhet të legalizohen në këtë qytet", tha ai, duke mos i kursyer akuzat për prokurorin e çështjes. Kjo nuk është hera
REAGIMI I PETRIT VASILIT
"Edi Rama e mbajti fjalën, prokurori Arjan Ndoja u ndëshkua me plumb"!
Edi Rama 3 javë më parë deklaroi dhe kërcënoi publikisht prokurorin Arjan Ndoja se nuk do t'i shpëtonte ndëshkimit. Sot Arjan Ndoja u qëllua me plumb. Edi Rama foli, fjala u mbajt, ndëshkimi u krye... me plumb bile", tha Petrit Vasili.