Pajisje të reja tek Urgjenca Kombëtare, në 10 muaj 340 mijë thirrje të përballuara
Rreth 45 për qind e qytetarëve e kanë marrë ndihmën e parë nga shërbimi mjekësor në banesë Manastirliu: Transformim shërbimit të urgjencës në territor
Urgjenca Kombëtare Mjekësore është paji sur me aparatura dhe sete urgjence jetëshpëtuese, duke nisur nga defibrilatorët, pajisjet e transportit të pacientëve, bombolat e oksigjenit, të cilat do të shpërndahen në njësite e shpëtimit të zonave të largëta. Kryeministri Edi Rama dhe ministrja e Shëndetësisë dhe Mbrojtjes Sociale Ogerta Manastirliu, morën pjesë në aktivitetin e organizuar nga Qendra Kombëtare e Urgjencës Mjekësore, ku u bë një bilanc 1vjeçar i shtrirjes së numrit unik të urgjencës 127 në të gjithë vendin.
Manastirliu, u shpreh se ndryshimet rrënjësore në shërbimin e Urgjencës kanë ndikuar drejtpërdrejtë në uljen e kohës së autoambulancave në vendin ku ky shërbim kërkohen. Janë 340 mijë thirrje të përballuara nga shërbimi i Urgjencës Kombëtare vetëm në 10 muajt e këtij viti. "Zero thirrje të humbura nga njësia e koordinimit të shërbimit kombëtar të urgjencës, prej ditës kur numri unik pret thirrjet nga çdo cep i Shqipërisë, nga veriu në jug. Kemi 1130 thirrje për ndihmë, që priten çdo ditë në Qendrën Kombëtare të Urgjencës. Kemi 330 misione jetëshpëtuese, qe kryhen çdo ditë në të gjithë territorin. Sot, koha mesatare e mbërritjes se urgjencave është 15 minuta ne zonat urbane dhe 20 min në zonat rurale",- u shpreh Manastirliu. Duke folur për ndryshimin e shër
bimit të urgjencës në territor, Manastirliu theksoi se do të vijojnë investimet për mjete të reja të urgjencës.
"Ne do të vijojmë me investimet për përmirësimin e këtij shërbimi sepse ngritja në një standard të ri i shërbimit të urgjencës mjekësore është boshti i të gjithë investimeve, për të pasur një shëndetësi më të mirë, që i
INVESTIMET
Investimet në Urgjencën Kombëtare gjatë dy viteve të fundit përfshijnë 37 autoambulanca të reja, të mirëpajisura dhe me aparatura jetëshpëtuese si dhe 100 sete të ndihmës së parë janë vënë në shërbim të autoambulancave në spitale, duke filluar nga ato për traumën, setet e intubimit, të medikamenteve dhe të mjekimit.
përgjigjet në kohë dhe me cilësi nevojave të qytetarëve dhe deri në 2021 do të investojmë jo vetëm një flotë të re dhe pajisje, por fokusi do jetë tek mjekët dhe infermierët",- tha Manastirliu. Investimet në Urgjencën Kombëtare gjatë dy viteve të fundit përfshijnë 37 autoambulanca të reja, të mirëpajisura dhe me aparatura jetëshpëtuese si dhe 100 sete të ndihmës së parë janë vënë në shërbim të autoambulancave në spitale, duke filluar nga ato për traumën, setet e intubimit, të medikamenteve dhe të mjekimit. Numri unik 127 i Urgjencës, prej gati një viti është shtrirë në të gjithë vendin. Vetëm gjatë këtij viti kur ka nisur funksionimi i numrit unik 127 në të gjithë vendin janë kryer 103 mijë misione dhe ka rëndësi të thuhet se 45% e qytetarëve që kanë pasur nevojë për ndihmë, e kanë marrë ndihmën e nevojshme në banesë, pa pasur nevojë të transportohen në spital.