Biba: PD duhet përgëzuar për Kajmakun, shkoi përtej KQZ- së e prokurorisë
i Komisionit Qendror të Zgjedhjeve, Denar Biba, deklaroi në rubrikën "Opinion", në "Neës 24", se Partia Demokratike është për t'u përgëzuar me denoncimin ndaj kryebashkiakut të Vorës, Agim Kajmaku, i cili tashmë është shkarkuar nga KQZ- ja. Biba tha se PD- ja shkoi përtej KQZ- së dhe prokurorisë, duke zbuluar arrestimin e Kajmakut në Greqi për falsifikim parash. "As mund të imagjinohet një gjë e tillë. Por, letra e Gazmend Bardhit drejtuar KQZ ishte pa asnjë dyshim një formë presioni. Është për t'u përgëzuar PD, sepse ishte iniciatore, si duket pati informacionet dhe shkoi përtej mundësisë së KQZ- së, madje edhe prokurorisë, për Kajmakun e të tjerët. KQZ- ja ka qenë korrekte kur ua ka kërkuar institucioneve shqiptare, jo të huaja, të dhëna për kandidatët. KQZ- ja nuk ka asnjë lloj mundësie që të ketë kontakte apo informacion se çfarë kanë bërë shqiptarët jashtë shtetit. PD duhet përgëzuar, por letra ishte një lloj presioni", - u shpreh Biba. Por nënkryetari i KQZ- së theksoi se Kajmaku ishte shpallur i pafajshëm për veprën për të cilën ishte arrestuar, ndaj dhe në këtë aspekt ai është i pastër përballë ligjit. Por Biba bëri të ditur se ajo që e penalizoi atë ishte mosdeklarimi i këtij arrestimi nga policia greke në formularin e dekriminalizimit. "Elementi kryesor për të cilin Kajmaku u ndëshkua ishte sepse kishte dështuar të ekspozonte problematika të jetës së vet përmes formularit të dekriminalizimit. Fakti që personat publikë janë më të ekspozuar ndaj publikut nuk duhet t'i bëjë ata krejtësisht të pambrojtur, sepse çdokush ka një minimum dinjiteti, që duhet ruajtur nga institucionet publike. Në drejtësi djalli qëndron te detajet, dhe detaji nga detaji ndryshon çështjet. Në rastin e Kajmakut vepra për të cilën ai ishte arrestuar praktikisht nga drejtësia greke është vlerësuar se nuk është kryer dhe ata i kanë dhënë pafajësinë. Atij i është dhënë pafajësia, pasi ai ka dorëzuar formularin. Ai nuk ka treguar në formular se ka qenë i arrestuar për këtë arsye", - tha Biba.