Koncesionet, Basha: 120 milionë euro u jepen 12 vetave në vit
Takimi me të rinjtë, kreu i PD: Pas 10 vitesh, mund të paguheni më shumë se kryeministri "70 milionë euro për të bërë ndryshim në arsim"
Kreu i Partisë Demokratike, Lulzi Basha, vazhdoi dje turin e dëgjesave "Rrugëtimi për Shqipërinë" në Korçë. Z. Basha shprehu bindjen se pas 10 vitesh, të rinjtë shqiptarë mund të paguhen më shumë se kryeministri. Teksa inkurajoi të rinjtë, Basha tha se në 10 vitet e ardhshme, Europa do ketë 5 milionë vende të lira pune në sektorin e teknologjisë. "Dua t'ju jap një parashtrim të shkurtër se çfarë mundësish keni nëse lëvizim në drejtim të mbështetjes së rinisë, të investimeve të huaja. Europa do të ketë nevojë në 10 vitet e ardhshme për 5 milionë vende të reja pune vetëm në sektorin e teknologjisë së informacionit, pothuajse dyfishi i popullsisë që na ka mbetur në Shqipëri. Realiteti është që kur kemi potencial kaq të madh, 5 milionë vende të reja pune, që mund të krijohen këtu, nuk ka nevojë të shkosh as në Gjermani, as Holandë, as Francë sepse inxhinieri i softuerit mund të programojë këtu. Të paguhet me nivele europiane, sigurisht konkurruese se nuk do paguhesh si në Gjermani, por është e sigurtë se pas disa vitesh do marrësh rrogë më të lartë si ministrat, kryeministri apo presidenti këtu në Shqipëri. E njëjta gjë vlen dhe për një inxhinier", tha z. Basha. Ai shtoi më tej: "Po ju tregoj një shifër që është rrëqethëse: 120 mln euro janë planifikuar vetëm për koncesionet, 10 apo 12 të tilla. Do të mjaftonin 70 milionë euro për të bërë një revolucion total për universitetet dhe arsimin e lartë. Me vetëm 35 mln euro do të mund të financonim tarifat për studentët që vijnë nga familje me të ardhura të ulëta. Të njëjtën shumë ne do të dedikojmë për infrastrukturën, dixhitalizimin, trajnimin e pedagogëve, sjelljen e pedagogëve të huaj, trajnimin profesional sipas modelit gjerman - gjysma e kohës në fakultet, gjysma në praktikë".
PREMTIMI
Kreu i PD- së, Lulzim Basha para të rinjve në Korçë premtoi se paga minimale në vitin e parë të qeverisjes së tij do të jetë 300 euro në muaj. Sipas Bashës, kjo
AKUZA
"120 mln euro janë planifikuar vetëm për koncesionet, 10 apo 12 të tilla. Do të mjaftonin 70 milionë euro për të bërë një revolucion total për universitetet dhe arsimin e lartë. Me vetëm 35 mln euro do të mund të financonim tarifat për studentët që vijnë nga familje me të ardhura të ulëta",tha z. Basha.