Kriza, Meta: Jemi shteti i së drejtës, jo republikë noteriale
Betohen tre anëtarët, presidenti: I lumtur që pas dy vitesh nis funksionimi i GJK "Ndërkombëtarët, sytë jo te Kushtetuta, por te xhepi i tyre"
Para Presidentit të Re publikës, Ilir Meta, u betuan dje anëtarët e rinj të zgjedhur të Gjykatës Kushtetuese, Elsa Toska, Marsida Xhaferllari dhe Fiona Papajorgji. Dy u votuan nga Kuvendi dhe një u dekretua nga presidenti. Ndërsa Arta Vorpsi u betua para një notereje si anëtare e Gjykatës Kushtetuese. Ceremonia e betimit u bë përpara presidentit, e cila nisi me zj. Elsa Toska, e cila plotëson vakancën e parë të Kuvendit, që zëvendëson ish- gjyqtarin Vladimir Kristo. Pas 30 minutash u betua zj. Marsida Xhaferllari, e cila plotëson vakancën e dytë të presidentit, që zëvendëson ishgjyqtaren, Altina Xhoxhaj. Betimet kishin nga gjysmë ore diferencë. Elsa Toska së bashku me Fiona Papajorgjin u zgjodhën nga Kuvendi, ndërsa Marsida Xhaferllari është dekretuar nga presidenti si anëtare e Gjykatës Kushtetuese. Duke vendosur dorën mbi Kushtetutën e Shqipërisë, gjyqtarja Xhaferllari u betua para Presidentit Meta: "Betohem se gjatë kryerjes së detyrave të mia do t'i qëndroj kurdoherë besnik Kushtetutës së Republikës të Shqipërisë"! Presidenti Meta i uroi shumë suksese dhe punë të mbarë në këtë detyrë shumë të rëndësishme. E fundit u betua anëtrarja e re e Kushtetueses, zj. Fiona Papajorgji, e cila zëvendëson Bashkim Dedjen. Vetë Presidenti Ilir Meta deklaron se Gjykata Kushtetuese nga sot nis funksionimin dhe për këtë shprehet i lumtur pasi prej dy vitesh ishte e bllokuar. "I lumtur që më në fund, pas dy vitesh, fillon sot nga funksionimi Gjykata Kushtetuese e Republikës së Shqipërisë! Urime tri anëtareve të reja të kësaj gjykate, znj. Elsa Toska, znj. Marsida Xhaferllari dhe znj. Fiona Papajorgji!", - deklaroi z. Meta.
ARGUMENTET
Presidenti Ilir Meta, i ftuar dje në emisionin "Opinion" shprehu bindjen se në rastin e Gjykatës Kushtetuese, veprimet e tij janë në zbatim të Kushtetutës, ndërsa akuzon kreun e KEDsë si ka vepruar në mënyrë mafioze. "Kushtetuta e Republikës së Shqipërisë e ka të sqaruar. Ka Kushtetutë, ka ligj dhe pastaj ka akte administrative. Parlamenti
SALI BERISHA
"Në shtator, nga 21 shtatori deri në 7 nëntor, ky skllav i krimit që quhet Dvoran, ka 100 milionë që nuk i justifikon, ka marrë apartamente dhe miliona eruo nga ' Telekom', ky individ që është në kundërshtim me Kushtetutën se nuk është magjistrat merr përsipër me bërë kurthet e shtetit. Erdhi në KED, në kundërshtim me ligjin, me një tagër që s'e meritonte kurrë se nuk kalonte vetingun", tha z. Berisha. shkresa për të zbatuar porositë e partisë që presidentit dy vakancat që i takojnë presidentit ia ka çuar në një datë, ndërsa Kuvendit ia ka çuar 7 ditë me vonesë. Që presidenti sipas mendjes së tij, t'i mbaronte mandati për të dytin dhe Kuvendi të kishte 7 ditë kohë. Që presidenti ose të detyrohej që brenda 30- ditëshit të bënte emërimin e dytë që i takonte presidentit dhe të ishte një shkelje e qartë e Kushtetues. Nuk u shpreha, sepse nuk shkela kushtetutën", tha kreu i shtetit. Por, kush është anëtare e Gjykatës Kushtetuese, sipas presidenti Meta? "Është ajo që ka dekretin e presidentit ( pra zonja Marsida Xhaferllari)", tha Presidenti Meta. I pyetur nga drejtuesi i emisionit se emri i Arta Vorpsi është botuar në Fletoren Zyrtare, kreu i shtetit tha: "Kujt po i kërcet për fletoren e Dvoranit. Ka mbaruar kjo histori… Jemi shtet i së drejtës nuk jemi republikë noteriale. Është e kopsitur kjo. Presidentit i merren kompetencat. Sa i përket reagimit të kreut të KED, Meta tha: "Unë asistencë mjekësore nuk i ofroj dot. Ai paska shqetësim për çështjen e etikës së presidentit, ndërkohë nuk ka shqetësim që bëhej pjesë e një plani mafioz për t'i grabitur në mënyrë mafioze kompetencat presidentit që ia ka dhënë Kushtetua". Përsa i përket qëndrimit të ndërkombëtarëve, z. Meta u përgjigj: "Unë këtë Kushtetutë e kam bërë me ndërkombëtarët. Le të vijë një ndërkombëtar e të më thotë se nuk e kemi bërë në këtë mënyrë. Cilët ndërkombëtarë? Ata që nuk i kanë sytë të Kushtetuta, por te xhepi i tyre. Ka ndërkombëtarë seriozë e me dinjitet. Ka ndërkombëtarë si zonja Glover, që i tha të vërtetën gjithë botës se çfarë ishin zgjedhjet farsë të 30 qershorit".