Blushi, ironi me Vorpsin: S'ndalojmë askënd të betohet te parukierja
Zëdhënësi
i Presidencës, reagoi dje pas lajmit se Arta Vorpsi ishte betuar para noteres si anëtare e re e Gjykatës Kushtetueses, duke shmangur në këtë mënyrë kreun e shtetit Ilir Meta. Tedi Blushi, zëdhënësi i Presidentit e konsideron këtë lajm qesharak dhe nuk nguron të përdore edhe ironi në lidhje me këtë veprim të Arta
Vorpsit. Ai shkruan në faqen e tij në ' Facebook' se Ilir Meta nuk ndalon askënd të betohet, as tek noterja dhe as te parukierja. Blushi shton se Presidenti Meta është betuar në
Kushtetutë dhe për të Shqipëria është e para. "Lidhur me pyetjet tuaja për një lajm qesharak që qarkullon në media, dua t'ju sqaroj se: Presidenti i Republikës Sh. T. Z Ilir Meta nuk ndalon askënd të betohet as tek noterja, as tek parukierja. Presidenti Meta është betuar me dorë mbi Kushtetutë dhe për të Shqipëria dhe shqiptarët janë të parët",- shprehet z. Blushi.
30- ditëshin e ka me Kushtetutë, presidenti e ka në ligj, pasi të jenë kushtet kushtetuese. Anëtari i parë për t'u zëvendësuar në gjykatë emërohet nga presidenti. I dyti zgjidhet nga Kuvendit dhe i treti nga Gjykata e Lartë. Kam tre vjet që u them gjithë shqiptarëve dhe disa ndërkombëtarëve militantë se Shqipëria është pa Gjykatë Kushtetuese, sepse po bëhet ' Ramaforma'", tha Meta. Ai akuzoi sërish kreun e KED, Ardjan Dvorani për akte mafioze. "KED është një instrument administrativ kolegjial, i cili ka për detyrë që këto kritere që përcakton ligji dhe këto afate dhe për
caktime që janë në Kushtetutë dhe në ligj, pra Presidenti, Kuvendi, Gjykata e Lartë t'i rregullojë. T'i çojë listën presidentit, t'i çojë listën Kuvendit, t'i çojë listën Gjykatës së Lartë. KED ka për detyrë të respektojë kushtetutën, pastaj ligjin dhe të mos shkelë Kushtetutën. Nuk ka kompetencën KED që të shkel unë Kushtetutën. Ndaj them që kreu i KED- së ka bërë akte të pastra mafioze. Pse është një akt i pastër mafioz? Është një akt mafioz sepse listat që janë bërë, për të gjitha vakancat janë miratuar në njëjtën kohë. Kryetari, i cili ka të drejtë të përgatisin rendin e ditës dhe të përcjellë