Zgjedhjet në PS, socialistët do të testojnë votimin elektronik të shtunën
Socialistët në emigracion do të votojnë nëpërmjet postës ose me ' email' 108 mijë anëtarë do të votojnë për 703 vende në kongres
Socialistët janë shpre hur të hapur që të ap likohet teknologjia në procesin e votimit dhe të numërimit të votave, por për këtë kanë kërkuar në vazhdimësi garanci nga ndërkombëtarët se ky proces nuk do të krijojë probleme. Gjithashtu, ata kanë këmbëngulur për t'u siguruar e drejta e votës së emigrantëve. Por, për t'u bindur ata kanë vendosur që fillimisht si teknologjinë, ashtu edhe votimin e emigrantëve ta aplikojnë në zgjedhjet e tyre të brendshme, që do të zhvillohen të shtunën dhe ku do të zgjidhen delegatët për anëtarë të Kongresit të ri të Partisë Socialiste. Sekretari i Përgjithshëm i Partisë Socialiste, Taulant Balla, duke folur dje për zgjedhjet në PS, bëri të ditur tha se 800 socialistë në Tiranë do të votojnë në mënyrë elektronike, kjo si një mënyrë për të testuar teknologjinë në zgjedhje dhe për të kuptuar nëse ajo është mënyra e duhur për t'u aplikuar më pas edhe në zgjedhjet e përgjithshme. "Këtu në selinë e Partisë Socialiste në një prej sallave do të ketë një qendër votimi të posaçme për një nga njësitë e Tiranës, ku do të ketë votim tërësisht elektronik. Pra, do testojmë votimin elektronik me rreth 800 anëtarë të njërës prej njësive të Tiranës, nga i cili do kuptojmë edhe fizibilitetin e një votimi të tillë për t'u testuar më pas edhe në votime të tjera", - tha Balla. Po ashtu, ai bëri të ditur se në këto zgjedhje do të testohet edhe vota e emigrantëve. Për këtë ai bëri të ditur se të gjithë anëtarët e partisë në emigracion do të mund të votojnë nëpërmjet ' email'- it ose nëpërmjet postës. "Po ashtu në një pjesë të degëve tona në emigracion do të ketë zgjedhje ditën e shtunë, por për emigracionin ky afat do të vijojë edhe përgjatë muajit nëntor, sepse për degët e Partisë Socialiste për shqiptarët që jetojnë jashtë territorit, kemi autorizuar Sekretariatin tonë për Emigracionin për të testuar edhe modele të votimit, qofshin këto ' online' apo me postë", - u shpreh numri dy i socialistëve. Ndërkohë, që ai bëri dhe një përmbledhje të përgatitjeve
që janë bërë për këtë proces zgjedhor duke theksuar se rreth 108 mijë anëtarë të PSsë do votojnë për 703 vende në kongres. "Partia Socialiste ditën e shtunë përmbyll fazën e parë, atë të zgjedhjes drejtpërsëdrejti nga anëtarësia e Partisë Socialiste përmes parimit ' një anëtar- një votë', të më shumë se 703 delegatëve në të 61 bashkitë e vendit. Nga ky proces parapërgatitor sapo kemi përfunduar shpërndarjen e të gjitha materialeve zgjedhore në të
gjitha degët e Partisë Socialiste në të gjithë territorin. Janë më shumë se 363 qendra votimi në territorin e Shqipërisë. Unë u bëj thirrje më shumë se 107800 anëtarëve të Partisë Socialiste të regjistruar në këtë proces zgjedhor, që ditën e shtunë prej orës 08: 00 të mëngjesit në secilën prej qendrave të votimit, duhet të marrin pjesë në votime", - u shpreh Balla. Ai gjithashtu bëri të ditur se janë trajnuar të gjithë komisionerët, ndërsa sqaroi se përveç delegatëve
që zgjidhen me votim, një pjesë tjetër janë të zgjedhur direkt për shkak të postit. "Kemi më shumë se 1080 komisionerë në të gjithë territorin, të cilët janë të trajnuar. Të mos harrojmë se përveç delegatëve të zgjedhur direkt, kemi edhe delegatët e Kongresit, të cilët janë të zgjedhur automatikisht, ndër to janë deputetët, kryetarët e bashkive dhe kryetarët e Partisë Socialiste në nivel njësie", - shtoi Balla.