Rritja ekonomike, BSH: Ky vit ngelet i dobët
Goditjet e ofertës do të ngadalësojnë ekonominë në 2019, më pas pritet përmirësim Kredia për sektorin privat përshpejtoi ritmin e rritjes në tremujorin e tretë
Banka e Shqipërisë nuk pret përmirësime domethënëse të rritjes ekonomike për gjysmën e dytë të këtij viti. Megjithatë ngelet optimiste për të ardhmen e afërt. Gjatë prezantimit të raportit të politikës monetare për tremujorin e katërt, ekspertët e Bankës së Shqipërisë thanë se rritja ekonomike në tremujorin e tretë ka qenë në nivele të përafërta me gjysmën e parë të vitit, pranë nivelit 2.3%. Në ngadalësimin e rritjes së këtij viti faktori me peshën kryesore ka qenë rënia e prodhimit të energjisë, e ndjekur nga mbyllja e lojërave të fatit dhe nga përfundimi i projekteve madhore të investimit në energjetikë. Megjithatë, Banka e Shqipërisë i qëndron mendimit se këta faktorë janë kalimtarë dhe, duke filluar nga viti i ardhshëm, ekonomia shqiptare do të rritet me ritme më të larta, pranë potencialit të saj. Rritja potenciale e ekonomisë shqiptare vlerësohet aktualisht pranë nivelit 3.5%.
ANALIZA
Banka e Shqipërisë parashikon se ekonomia shqiptare do të vijojë të qëndrojë në një trend pozitiv rritjeje gjatë horizontit afatmesëm. Goditjet e ofertës pritet të sjellin ngadalësimin e përkohshëm të ritmeve të rritjes ekonomike në vitin 2019. Më tej, kushtet e favorshme të financimit, përmirësimi i bilanceve të agjentëve ekonomikë dhe përmirësimi në tregun e punës pritet të sjellin një rritje më të shpejtë të kërkesës agregate dhe përdorimin më të plotë të kapaciteteve prodhuese. Konvergimi i ekonomisë drejt ekuilibrit pritet të shoqërohet me rritje më të lartë të pagave dhe të kostove të prodhimit. Së bashku me stabilizimin e pritur të kursit nominal të këmbimit, ato do të ndihmojnë në kthimin e inflacionit në objektiv në gjysmën e dytë të vitit 2021. Në përputhje me këto parashikime, qëndrimi aktual i politikës monetare mbetet i përshtatshëm. Ruajtja
RREZIQET
Banka e Shqipërisë pohon se gjatë periudhës, u punua për finalizimin e treguesve të rinj që sinjalizojnë zhvillimin e rreziqeve sistemike, në përputhje me objektivat e ndërmjetëm të politikës makroprudenciale.
e kahut stimulues të politikës monetare do të jetë e nevojshme përgjatë gjithë horizontit kohor afatmesëm. Normalizimi i politikës monetare do të fillojë vetëm në prani të konsolidimit të trendeve pozitive të zhvillimit dhe të forcimit të qëndrueshëm të presioneve inflacioniste, por jo më herët se tremujori i dytë i vitit të ardhshëm. Informacioni i ri sinjalizon se rreziqet e kahut të poshtëm vijojnë të jenë të pranishme si në mjedisin e jashtëm ekonomik ashtu edhe atë të brendshëm. Materializmi i tyre do të pengonte kthimin e inflacionit në objektiv, duke kërkuar reagimin e bankës qendrore. Zgjerimi i vëllimit të aktivitetit ekonomik ka pasqyruar kostot e ulëta të financimit të konsumit dhe investimeve, bilancet e përmirësuara të agjentëve ekonomikë, si dhe rritjen e të ardhurave nga aktiviteti i turizmit. Ambienti i brendshëm financiar paraqitet stimulues, në përgjigje të politikës monetare të ndjekur nga Banka e Shqipërisë. Ecuria e kursit të këmbimit shfaqet relativisht e stabilizuar, primet e rrezikut në tregjet financiare janë të ulëta, gjendja e likuiditetit është e kënaqshme dhe normat e interesit të instrumenteve të financimit në lekë, qëndrojnë pranë niveleve minimale.
KREDIA
Kredia për sektorin privat përshpejtoi ritmin e rritjes në tremujorin e tretë, e ndikuar si nga zgjerimi i
kërkesës ashtu dhe përmirësimi i ofertës së kredisë bankare. Kjo e fundit, pasqyron përmirësimin e vazh
dueshëm të ambientit të kreditit dhe të bilancit të sektorit bankar dhe rritjen e konkurrencës në sistem,
me përfundimin e procesit të konsolidimit të sektorit bankar. Nga pikëpamja e kompozimit, përshpejtimi i ritmit të rritjes së kredisë ka pasur një bazë të gjerë. Banka e Shqipërisë pohon se gjatë periudhës, u punua për finalizimin e treguesve të rinj që sinjalizojnë zhvillimin e rreziqeve sistemike, në përputhje me objektivat e ndërmjetëm të politikës makroprudenciale. Gjithashtu, u konsultua me industrinë bankare dhe publikun, projekti rregullativ për ndërtimin e kuadrit që mundëson zbatimin e shtesave makroprudenciale të kapitalit në veprimtarinë bankare. Këto dokumente do t'i paraqiten së afërmi për shqyrtim Këshillit Mbikëqyrës BSH ka ndërmarrë disa masa për fuqizimin e përdorimit të lekut në veprimtarinë bankare. Këto masa hynë në fuqi të plota gjatë periudhës ( korrik 2018). Në përputhje me angazhimet e marra në Memorandumin përkatës ndërinstitucional, BSH ka identifikuar dhe monitoron disa tregues për të vlerësuar efektin e ma- save dhe nevojën për rishikimin e pasurimin e tyre.