Kushtetuesja "rrëzon" mazhorancën, njeh Xhaferllarin si anëtare
Në listë bën pjesë edhe anëtarja e dekretuar nga Meta
Ndonëse nuk ka ende kuorumin e nevojshëm për t'u futur në proces interpretimi ligjor dhe vendimmarrës, Gjykata Kushtetuese ka njohur dje Marsida Xhaferllarin si një nga anëtarët e saj të rinj. Interesit të opinionit publik, por edhe vetë institucioneve kryesore në vend, lidhur me debatin nëse duhet të njihet mandati i Arta Vorpsit apo i Marsida Xhaferllarit, Gjykata Kushtetuese i është përgjigjur në mënyrë indirekte. Vetëm pak orë pasi Xhaferllari dhe Vorpsi kishin ngjitur shkallët e gjykatës për të marrë detyrën e re, Kushtetuesja ka bërë një veprim që ka legjitimuar dekretin e kreut të shtetit për emërimin e Xhaferllarit. Ajo ka nxjerrë një njoftim në faqen e saj zyrtare në internet, ku ka bërë të ditur listën e anëtarëve të kësaj gjykate që plotësojnë kriteret dhe kushtet për të qenë anëtarë në Këshillin e ri të Emërimeve në Drejtësi që duhet të zgjidhet brenda këtij viti. Mes listës me 5 anëtarë bie në sy edhe emri i Marsida Xhaferllarit, duke e njohur atë në këtë mënyrë si anëtare e ligjshme e kësaj gjykate dhe që ka të drejtë, ashtu si edhe 4 anëtarët e tjerë, të jetë kandidate për anëtare e KED. "Në mbështetje të nenit 221 të ligjit nr. 115/ 2016 "Për organet e qeverisjes së sistemit të drejtësisë", i ndryshuar me ligjin nr. 47/ 2019 "Për disa shtesa dhe ndryshime në ligjin nr. 115/ 2016 "Për organet e qeverisjes së sistemit të drejtësisë", sot, më 15.11.2019, Gjykata Kushtetuese i ka dërguar institucionit të Presidentit të Republikës dhe Kuvendit të Shqipërisë listën e gjyqtarëve të Gjykatës Kushtetuese që plotësojnë kushtet e parashikuara në ligj për të qenë anëtar të Këshillit të Emërimeve në Drejtësi. 1. Znj. Vitore Tusha, gjyqtare me kompetencat e Kryetarit të Gjykatës Kushtetuese; 2. Z. Besnik Muçi, gjyqtar; 3. Znj. Elsa Toska, gjyqtare; 4. Znj. Marsida Xhaferllari, gjyqtare; 5. Znj. Fiona Papajorgji, gjyqtare", - bëri të ditur Gjykata Kushtetuese në njoftimin e vet. Ndërkohë që nëpërmjet
DEKLARATA
Gjykata Kushtetuese si një institucion i pavarur, duke zbatuar Kushtetutën dhe ligjin e saj organik dhe legjislacionin në fuqi, si dhe praktikat administrative të ndjekura ndër vite, me qëllim sigurimin e kushteve normale për mbarëvajtjen dhe mirëfunksionimin e veprimtarisë së saj, është duke ndërmarrë të gjitha hapat e nevojshme administrative formale për fillimin e detyrës së tri anëtarëve të rinj, pas betimit të tyre para Presidentit të
Republikës"