Meta: Kuvendi shpërndahet me një dekret, qeveria rrëzohet me një mocion
Presidenti: Do t'i drejtohem popullit që t'ia tregojmë vendin bandës uzurpatore "Shpërdoroi detyrën, padi ndaj kreut të KED"
Presidenti Ilir Meta ng riti dje një dolli për funksionimin e Gjykatës Kushtetuese. Me dekretimin e 3 anëtarëve të rinj te presidenti, Gjykata Kushtetuese doli nga ngërçi për plotësimin e vakancave. Për këtë, në nisje të konferencës së jashtëzakonshme, kreu i shtetit ngriti edhe një dolli me një gotë ujë në dorë duke thënë: "Së pari, gëzuar për fillimin e funksionimit të Gjykatës Kushtetuese"! Më pas dha lajmin për kallëzimin penal ndaj kreut të KED, Ardian Dvoranit. Plotësimi i Gjykatës Kushtetuese shënoi përplasjen e radhës mes qeverisë dhe Presidencës, pasi z. Meta nuk e ka njohur Arta Vorpsin, e votuar në parlament si anëtare e GJK, edhe pse ishte kompetencë e Presidentit Meta. Ky i fundit në vend të Vorpsit dekretoi zj. Xhaferllari.
PADIA
Presidenti Ilir Meta do të kallëzojë penalisht kryetarin e Këshillit të Emërimeve në Drejtësi, Ardian Dvoranin. Padia e kreut të shtetit ndaj kryetarit të KED do të bëhet ditën e hënë. Në konferencën e jashtëzakonshme për shtyp, presidenti e akuzoi Dvoranin se ka bërë "shkelje ligjore që cenojnë legjitimitetin e përzgjedhjes së anëtarëve të Gjykatës Kushtetuese". Presidenti Ilir Meta në argumentin e tij kundër kreut të KED- së, Ardian Dvoranit, bëri të ditur se me veprimet e tij, ka synuar që të çojë kreun e shtetit drejt një vendimi që do shkelte ligjin. "Unë, Presidenti i Republikës, akuzoj z. Dvoranin për këto vepra: ' Shpërdorim detyre dhe përvetësim i titullit apo detyrës shtetërore'. Veprimet dhe mosveprimet e z. Dvorani kanë cenuar procesin e zgjedhjes së anëtarëve të Gjykatës Kushtetuese. Pasi kam konstatuar veprimet dhe mosveprimet, ato përbëjnë vepra të qarta penale. Bazuar në nenin 281, presidenti parashtron këtë kallëzim, me qëllim fillimin e hetimeve për shpërdorim detyre dhe përvetësimi i detyrës shtetërore. Gjatë detyrës ai me dashje ka shpërdoruar funksionon dhe ka marrë përsipër të realizojë një akt mafioz", theksoi z. Meta.
PARALAJMËRIMI
Me tona të ashpërsuara Ilir Meta paralajmëroi dje se do të jetë detyrë e popullit të Shqipërisë dhe e presidentit që t'i tregojnë vendin kësaj bande uzurpatore, siç e quajti ai. Duke folur për ngërçin në Gjykatën Kushtetuese, Presidenti Meta tha se përpjekjet
NJOFTIM MONIKA KRYEMADHI
"Ne po punojmë me partnerët tanë për reformën zgjedhore, në mënyrë të pavarur. Diskutimi i reformës zgjedhore duhet të jetë i të gjitha partive, i gjithë shoqërisë civile, asaj që përballet me vështirësi të mëdha. Kriza politike në Shqipëri zgjidhet me anë të zgjedhjeve të lira. Sot problemi më i madh janë që të ketë zgjedhje të lira. Ngritja e Kushtetueses do të zhbllokonte ngërçin politik", - tha zj. Kryemadhi për VOA.