Rama: Presidenca është kthyer në frëngji, Meta ka humbur busullën
Maliqi dhe Xhaçka kishin kartat prezentë, por nuk votuan
Kuvendit të Shqipërisë i është dashur dje që të angazhohet për herë të dytë brenda 5 muajsh për të miratuar një tjetër rezolutë kundër Presidentit të Republikës. Me 97 vota pro, asnjë kundër dhe katër abstenime, legjislativi ka miratuar rezolutën për "Shmangien e krizës kushtetuese, me synim legjitimimin e Gjykatës Kushtetuese". Ndërsa një pjesë e mirë e deputetëve të opozitës së re bashkuan votat me socialistët, nga procesi i votimit ra në sy se deputetët Kujtim Gjuzi, Elda Hoti, Andi Përmeti dhe Artur Roshi abstenuan, ndërkohë që kishin kartat prezentë, por nuk votuan Lefter Maliqi dhe Olta Xhaçka. Dokumenti i miratuar e konsideron nul dhe sikur të mos ketë ekzistuar asnjëherë dekretin e presidentit për emërimin e Marsida Xhaferllarit, ndërsa thekson se kreu i shtetit me këtë akt ka shkelur sërish Kushtetutën.
RAMA
Por, para se të kalonte në proces votimi në seanca dje u debatua për afro dy orë lidhur me dekretin e presidentit dhe sjelljen e tij në raport me ligjin në emërimin e Marsida Xhaferllarit si anëtare e Gjykatën Kushtetuese. Në fjalën e tij më të shkurtër se herët e tjera, kryeministri Edi Rama e cilësoi dekretin e Metës për Xhaferllarin si një marrëzi e radhës, e njëjtë me atë të anulimit të zgjedhjeve, ndërsa akuzoi presidentin se e ka kthyer institucionin në një frëngji që godet këdo. "Për këdo që do të kuptojë pa hyrë në të thella, jemi përballë si Kuvend i Shqipërisë me njeriun që e ka humbur busullën dhe e ka kthyer institucionin e Presidentit të Republikës në një frëngji prej ku sulmon nga të katërta anët, për të shantazhuar parlamentin, për të shantazhuar ndërkombëtarët, për të shantazhuar popullin shqiptar. Nuk ka më turp dhe pas kësaj besoj se nuk ka as nevojë të zgjatemi dhe të stërzgjatemi", - tha Rama. Kryeministri u shpreh se
përpara se parlamenti të votonte për anëtarët e Gjykatës Kushtetuese, është konsultuar me SHBA dhe BE, si me EURALIUS dhe OPDAT, dhe sipas tij, ka marrë dakordësinë për ta cilësuar si të zgjedhur në mënyrë automa
"TOKË E XANUN"
"Nuk ia vlen të humbasim më shumë kohë për
të analizuar, për të argumentuar, për të komentuar marrëzitë e Ilir Metës. Na ka rënë ky taksirat neve, u ka rënë ky taksirat shqiptarëve dhe do bashkëjetojmë me këtë taksirat, për aq kohë sa zyra e Presidentit të Republikës do të
jetë ' tokë e xanun'"
tike Arta Vorpsin, pasi presidenti nuk pranoi të zbatonte afatin 30- ditor. "Ne jemi dakordësuar 100% me aleatët strategjikë dhe i jemi referuar 100% opinioneve të dhëna nga ekspertët e tyre, të cilët janë pjesë integrale e të gjithë procesit të reformës në drejtësi, ekspertët e EURALIUS- it dhe ekspertët e OPDAT- it", - shtoi Rama. Më tej, kryeministri nuk nguroi ta cilësojë Metën edhe si taleban që ka marrë përsipër të interpretojë vetë Kushtetutën dhe çdo ligj tjetër. "Ne nuk kemi luftë me Ilir Metën, Ilir Meta ka luftë me botën, me Europën, me Shqipërinë, me qeverinë e me veten. Le të vazhdojë ta bëjë atë luftë. Ky njeri ka marrë përsipër të jetë interpretuesi i vetëm dhe fuqiplotë i Kushtetutës së Republikës së Shqipërisë. Njësoj si ata talebanët që e quajnë veten interpretuesit e vetëm dhe fuqiplotë të Librit të Shenjtë", - theksoi kryeministri në fjalën e tij. Ai ftoi Kuvendin që të marrë veprimet e duhura për të vendosur mekanizmat zhbllokues për çdo akt bllokimi që mund të marrë presidenti. "Nuk ia vlen të humbasim më shumë kohë për të analizuar, për të argumentuar, për të komentuar marrëzitë e Ilir Metës. Na ka rënë ky taksirat neve, u ka rënë ky taksirat shqiptarëve dhe do bashkëjetojmë me këtë taksirat, për aq kohë sa zyra e Presidentit të Republikës do të jetë ' tokë e xanun' nga dikush që ka humbur busullën", - mbylli fjalën e tij Rama.
OPOZITA
Ndërkohë që deputetët e opozitës kanë qenë të përçarë në qëndrimet e tyre, edhe pse ata akuzuan mazhorancën për arsyen se pse e ka zgjedhur Metën si president. Deputeti opozitës, Lefter Maliqi akuzoi kolegët e tij se janë të blerë nga ana e mazhorancës. "Disa prej jush janë të ndershëm, por disa punojnë për këtë këtu ( Ramën). Këta janë të pafytyrë", - u shpreh Maliqi. Ndërsa Andi Përmeti në fjalën e tij theksoi se Rama dhe Meta janë ata që përfaqësojnë grupin "KÇK".