Ndërtimet pa leje, 1600 pronarë në Tiranë që marrin lejen e legalizimit

Agjencia e Kadastrës/ Emrat e qytetarëve që duhet të tërheqin faturën e ndikimit në infrastrukturë Pronarët edhe në Devoll, Kavajë, Sarandë, Delvinë, Divjakë, Tirana dhe zonat turistike

Agjencia Shtetërore e Kadastrës publikon listën me 1600 pronarë që kanë ndërtuar pa leje dhe nuk kanë shlyer ende taksën e ndikimit në infrastrukturë. Ndërtimet kanë kaluar procesin e legalizimit, por për të marrë tapinë për shtëpitë duhet të paguajnë taksën. Debitorët janë në Devoll, Kavajë, Sarandë, Delvinë, Divjakë, Tirana Veri, Tirana Rurale2 dhe Zona të Stimuluara. Përmes një njoftimi, Agjencia Shtetërore e Kadastrës u bën thirrje qytetarëve që të tërheqin faturën dhe të kryejnë pagesën. "Të gjithë qytetarët që gjejnë emrin në listat e mëposhtme, të tërheqin pranë zyrave rajonale të Kadastrës faturën e ndikimit në infrastrukturë. Nëse nuk bëhet kjo pagesë, zyrat tona nuk emetojnë dot lejen e legalizimit dhe më pas certifikatën e pronësisë. Ndaj lutemi të paraqiteni për të tërhequr këtë faturë!",- shkruan Agjencia e Kadastrës.

PAGESAT

Sipas ligjit në fuqi, pagesa e vlerës së parcelës ndërtimore bëhet në lekë, në vlerë të plotë monetare dhe me bono privatizimi. Taksat, tatimet dhe detyrimet e tjera financiare që lidhen me kalimin e së drejtës së pronësisë bëhen vetëm në lekë. Bonot e privatizimit, të përfituara nga ish- të përndjekurit politikë dhe nga subjektet e tjera gjatë procesit të privatizimit të pronës shtetërore kanë të njëjtin trajtim me bonot e tjera të privatizimit. Vlera e parcelës ndërtimore që i shitet poseduesit të ndërtimit pa leje paguhet në momentin e njoftimit me shkrim. Për ndërtimet pa leje me funksion banimi, kur subjekti është në kushtet e paaftësisë paguese, Këshilli i Ministrave në varësi të rasteve të deklaruara përcakton mënyrat alternative dhe procedurat për shlyerjen e vlerës së parcelës. Çmimi favorizues i shitjes së parcelës ndërtimore për ndërtimet pa leje me funksion banimi dhe të përzier ( social- ekonomik dhe banimi), kategoritë e subjekteve që përfitojnë falje të pagesës, përqindjet e përdorimit të bonove të privatizimit.