Paketa antishpifje/ PS amendamente shtesë, gjoba falimentuese për portalet
Shumica e majtë nuk tërhiqet, Këshilli i Ankesave të AMA- s me fuqinë e gjykatës Hiqet detyrimi i webeve për të publikuar reagimin e institucioneve
Qeveria ka ndërmarrë edhe një hap tjetër për të zbutur sado pak kundërshtimin e mediave në lidhje me paketën antishpifje. Kryetari i Grupit Parlamentar të Partisë Socialiste ka paraqitur në orët e fundit në Kuvend një paketë të plotë amendimesh ligjore që i bëhen projektligjit fillestar. Në fakt, bëhet fjalë për një draft ku janë përfshirë thuajse të gjitha ndryshimet që kjo paketë pësoi gjatë diskutimit në komisionet parlamentare si dhe disa shtesa të tjera, por që në thelb nuk prekin asgjë sa i përket rolit të gjykatës që merr Këshilli i Ankesave dhe AMA si dhe gjobat e larta me të cilin rrezikojnë të përballen mediat. Më konkretisht në këto amendamente të reja bëhet përkufizimi i një media audiovizive ose elektronike ( OSHPE) si një personi fizik ose juridik, pavarësisht nëse është i regjistruar ose jo si i tillë në Regjistrin e Ofruesve të Shërbimeve Mediatike, i cili ofron shërbimet e publikimeve elektronike. Pra, në këtë nen grupi i PS- së lë mundësinë që një media elektronike të mos e ketë të detyrueshme të regjistrohet pranë institucioneve përkatëse, ndryshe nga sa parashikonte drafti fillestar. Kjo forcohet edhe më tej në nenin 37 ku thuhet se "Një person fizik a juridik, i cili ofron shërbime të publikimeve elektronike, do të aplikojë tek AMA për regjistrimin dhe përditësimin e të dhënave të tij në Regjistrin e Ofruesve të Shërbimeve Mediatike. Ky regjistrim nuk është parakusht për të ofruar shërbimin". Ajo që penalizon në këtë rast ofruesit e shërbimeve të medias elektronike, që nuk janë regjistruar në këtë regjistër ose që nuk i kanë përditësuar të dhënat në përputhje me rregullat e përcaktuara nga AMA, është se nuk përfitojnë lehtësira fiskale apo të ndonjë lloji tjetër nga institucionet shtetërore. Ndërkohë që këto amendamente prekin edhe një nga pikat më të kontestuara nga grupet e interesit në projektligjin fillestar dhe që ka të bëj me përbërjen dhe fuqinë që merr Këshilli i Ankesave që vepron brenda AMA- s. Sipas draftit të paraqitur nga Balla, tashmë ky Këshill do jetë një organ kolegjial vendimmarrës, i cili përzgjidhet nga Bordi i AMAs me shumicë të cilësuar dhe përbëhet nga kryetari dhe katër anëtarë. Gjithashtu në këto amendamente është përcaktuar se vendimet e Këshil
KËSHILLI
Këto amendamente nuk i japin zgjidhje shqetësimit të mediave për rolin thuajse gjyqësor që merr Këshilli i Ankesave në vendimet dhe gjobat kundër radiotelevizioneve apo portaleve. Kjo pasi edhe në këto amendamente përcaktohet se ankimimi i një vendimi i të Këshillit të Ankesave nuk pezullon zbatimin e vendimit apo të gjobës përkatëse. lit të Ankesave ankimohen në Bordin e AMA- sipas parashikimeve të këtij ligji, ndërsa vendimet e Bordit të AMA ankimohen në Gjykatën Administrative të Shkallës së Parë Tiranë. Por këto amendamente nuk i japin zgjidhje shqetësimit të mediave për rolin thuajse gjyqësor që merr Këshilli i Ankesave në vendimet dhe gjobat kundër radiotelevizioneve apo portaleve. Kjo pasi edhe në këto amendamente përcaktohet se ankimimi i një vendimi i të Këshillit të Ankesave nuk pezullon zbatimin e vendimit apo të gjobës përkatëse. Ndërkohë që vendimet e AMA- s mund të ankimohen në Gjykatë dhe në këtë rast propozuesit i këtyre amendamenteve kanë krijuar hapësirën që vendimet e AMA- s në këtë drejtim, mund të ankimohen në gjykatën kompetente menjëherë pas miratimit të tyre dhe është gjykata ajo që do të vendosë nëse do të pezullojë ose do ta mbajë në fuqi vendimin e AMA- s gjatë procedurës së ankimimit. Gjithashtu, një ndryshim tjetër është edhe ai që heq detyrimin e një media elektronike për të publikuar reagimin e një institucioni ndaj një lajmi të caktuar. Tashmë ky detyrim lidhet vetëm me individët. "Ofruesi i shërbimeve të publikimeve elektronike, nëse vendos për ushtrimin e së drejtës, publikon përgjigjen e çdo personi që është cenuar/ përmendur nga publikimi, pa kosto financiare për personin e cenuar/ përmendur", - thuhet në këto amendamente. Ndërkohë që pavarësisht kundërshtimit edhe brenda vet grupit të PS, edhe në këto amendamente gjobat janë parashikuar në masa të konsiderueshme dhe gati falimentuese për mediat. Gjithsesi socialistët pretendojnë se tashmë me këto amendamente ato do jenë proporcionale dhe do të marrin parasysh fuqinë ekonomike të një media.