Paketa antishpifje, KE e KiE: Goditje e rëndë për lirinë e shprehjes
Komisioni Europian thirrje qeverisë: Merrni në konsideratë vërejtjet e OSBE- së "Varianti i fundit, shkelen standardet europiane"
Delegacioni i BE në vendin tonë bën me dije se Komisioni Evropian ka shqyrtuar paketën legjislative për mediat, ka dhënë komente dhe shprehu shqetësime gjatë gjithë procesit të hartimit. Në interes të mediave shqiptare, Komisioni Europian është përgjigjur duke deklaruar se u ka kërkuar autoriteteve të marrin parasysh komentet e bëra nga OSBE dhe rekomandimet e Këshillit të Evropës. "Këto rekomandime përfshijnë, ndër të tjera, kufizimin e fushës së rregullimit vetëm në shërbimet e mediave audio- vizuale në internet, promovimin e vetë- rregullimit në vend, sigurimin e shqyrtimit të pavarur gjyqësor të ankesave të lidhura me median dhe forcimin e transparencës së mediave ",- thuhet në përgjigje të KE. Komisioni Europian shprehet se ky draft nuk merr përsipër disa rekomandime të bëra nga aktorët ndërkombëtarë. "Është e rëndësishme që të gjitha ato rekomandime - të përsëritura sot nga Komisioneri i Këshillit të Evropës për të Drejtat e Njeriut, Dunja Mijatovi? - të merren në konsideratë para miratimit përfundimtar të ligjit", - thuhet në reagimin e KE- së. Komisioni Evropian u ka bërë thirrje autoriteteve të marrin në konsideratë vërejtjet e OSBE- së dhe rekomandimet e Këshillit të Europës, në mënyrë që ligji i ri të jetë në përputhje me standardet evropiane të lirisë së shprehjes. Rekomandimet përfshijnë ndër të tjera, që rregullat e reja të kufizohen vetëm tek media audio vizive online, duke nxitur vetë- rregullimin, dhe që ankesat ndaj medias t'i nënshtrohen procesit të pavarur gjyqësor, si dhe të ketë transparencë më të madhe për pronësinë mbi mediat
KOMISIONERJA
Komisionerja e Lartë e Këshillit të Europës për të Drejtat e Njeriut, Dunja Mijatoviç, i cilësoi projektligjet e qeverisë në shkelje të standardeve Europiane të të drejtave të njeriut. Dunja Mijatovi?, shpreh keqardhjen që Kuvendi përmes komisioneve parlamentare shqyrtoi gjatë kësaj jave dy projektligjet e njohura si "Paketa antishpifje". Sipas saj, këto ligje kanë nevojë për përmirësim urgjent. "Disa dispozita në të
ILIR META
"Shqipëria nuk ka nevojë për rekorde të tjera negative ndërkombëtare! Mjaft me nxitimin për t'i shtuar ato më tej! Shqetësimet e komunitetit të gazetarëve dhe të partnerëve tanë duhet të dëgjohen me shumë vëmendje dhe përgjegjshmëri! Pa media të lirë dhe të pavarur, rruga e Shqipërisë drejt Bashkimit Europian është e pamundur!",shprehet Presidenti Meta.