Miratohet fondi 1 miliard lekë, përfitojnë 6,697 familje
Dokumentet për të marrë bonusin e qeverisë
Janë 6,697 familje të mbetura pa strehë nga tërmeti i 26 nëntorit q137 do të përfitojnë subvencionim të qirasë nga buxheti i shtetit. Fondi në total është 1 miliad lekë. Familjet e pa streha duhet të dorëzojnë 4 dokumente për të marrë bonusin e qirasë. Gjendja e fatkeqësisë natyrore do të vijojë deri në fund të marsit të viti të ardhshëm në qarqet Tiranë, Durrës dhe Lezhë. Komisioni Parlamentar i Ekonomisë ka miratuar të mërkurën dy akte normative: i pari ka qellim propozimin e një kuadri rregullator që duhet të koordinojë institucionet e burimet për përballimin e pasojave nga tërmeti i 26 nëntorit dhe rikthimin e çdo të prekuri në gjendjen fillestare; i dyti siguron procedura të përshpejtuara për sigurimin e subvencionit nga shteti për familjet e prekura. Për familjet e mbetura të pastrehë, ligji parashikon kompensimin me banesë të re me po të njëjtën sipërfaqe. Familjet që kanë banesa të dëmtuara, por jo të pabanueshme do të marrin kompensim financiar dhe në të njëjtën mënyrë do të trajtohen edhe bizneset, të cilat kanë pësuar dëme. Ndërsa përjashtohen nga kompensimi familjet që kanë dy shtëpi dhe ndërtuesit. Në rastin e familjeve me dy shtëpi kompensohet vetëm banesa e parë, ndërsa për ndërtuesit të cilëve u janë dëmtuar objektet e pa shitura nuk ka kompensim. Dy aktet u paraqitën në Komision nga Zëvendësministrja e Financave Belinda Ikonomi, sipas së cilës, efekti në buxhet i subvencionimit të qirave llogaritet në rreth 1 miliard dollarë.
AKTI NORMATIV
Komisioni i Ekonomisë miratoi aktin normativ për përdorimin e procedurës së përshpejtuar për subvencionimin e pagesës së qirasë së banesës për familjet e mbetura të pastreha, si pasojë e fatkeqësisë natyrore, tërmetit të datës 26.11.2019, i cili ngarkon njësitë e vetëqeverisjes vendore, ku është shpallur gjendja e fatkeqësisë natyrore: të hartojnë listat e familjeve, banesat e të cilave janë shembur ose janë klasifikuar si të pabanueshme me akt konstatimi nga Instituti i Ndërtimit; të vlerësojnë nivelin mesatar të qirasë për struktura të ndryshme apartamentesh brenda 5 ditëve pune, nga hyrja në
fuqi e këtij akti normativ; të miratojnë, në këshillin e njësisë së vetëqeverisjes vendore, listën e familjeve përfituese dhe të dërgojnë pranë Ministrisë së Financave dhe Ekonomisë kërkesën për mbështetje buxhetore për financimin ose bashkëfinancimin e subvencionit, në mënyrë elektronike dhe shkresore, së
bashku me informacionin për numrin e familjeve të ngelura të pastreha, sipas klasifikimit të bërë nga Instituti i Ndërtimit.
PROCEDURA E STREHIMIT
Nëse një familje, e cila është e regjistruar në një njësi të vetëqeverisjes vendore, për arsye personale, kërkon të gjejë banesë për strehim
në një njësi tjetër të vetëqeverisjes vendore, atëherë përfiton subvencionimin e qirasë në vlerë të barabartë me atë të njësisë ku ndodhet banesa e dëmtuar. Ndërsa, kur gjetja e një banese për strehim në njësinë ku ndodhet banesa e dëmtuar është e pamundur, konfirmuar nga organi i kësaj njësie, atëherë përfi