Rezistenca e opozitës, Basha: Fund regjimit të Ramës, rotacion politik
"Ministri që kanabizoi Shqipërinë dënohet me shërbim prove, Salianji që e denoncoi me burg" "Brenda janarit ' Zgjedhorja', zgjidhja dy palë zgjedhje"
Lideri i opozitës Lulzim Basha mblodhi dje ishgrupin parlamentar dhe kryesinë e PD- së me të cilët diskutoi situatën e fundit politike, dënimin e ish- deputetit Ervin Salianji, PPP- të dhe mbështetja e qeverisë ndaj oligarkëve si dhe ligjin antishpifje. Basha në mbledhjen e përbashkët të kryesisë dhe të ish- grupit parlamentar, tha se rruga që të që çon në zgjidhjen e krizës politike dhe në hapjen e negociatave me BE- në, është zbatimi i kushteve të Bundestagut dhe zgjedhje të parakohshme parlamentare dhe lokale në një ditë. Kreu i PD- së hodhi akuza në drejtim të kryeministrit Rama, ndërsa tha se situata politike në vend po rëndohet, si pasojë e papërgjegjshmërisë së këtij të fundit. "Situata politike në vend po rëndohet çdo ditë e më shumë si pasojë e papërgjegjshmërisë në rritje të Edi Ramës. Bundestagu na përcaktoi rrugën për të ecur përpara me axhendën europiane të vendit. Por integrimi nuk është në axhendën politike të Edi Ramës. Përkundrazi bllokimi i rrugës europiane të Shqipërisë është axhenda e tij. Ne këtë nuk mund ta pranojmë. Zgjidhja e krizës politike, ashtu si Bundestagu ka kërkuar, ashtu siç Rezolutat e Partive Popullore Europiane dhe Unionit Ndërkombëtar Demokratik kanë kërkuar, është prioritet për Partinë Demokratike. Zgjedhjet e parakohshme, parlamentare dhe lokale, janë e vetmja zgjidhje për krizën e rëndë kushtetuese dhe politike që po kalon vendi. Edi Rama nuk mund t'i fshihet këtij realiteti. Aksioni jonë në ditët në vijim duhet të jetë i fokusuar në këtë objektiv.", - u shpreh Basha para dy organizmave vendimmarrës të partisë.
STRATEGJIA
Lulzim Basha njoftoi se PD- ja pas festave të fundvitit do të prezantojë propozimet e veta për reformën zgjedhore, ndërsa më pas do të kërkohet, që brenda muajit janar të miratohet reforma për t'i hapur rrugë mbajtjes së zgjedhjeve të lira dhe të ndershme. "Edi Rama zgjati gjendjen e jashtëzakonshme që të fshehë krizën e thellë ekonomike ku është futur vendi. Viti tjetër do të jetë një vit dhe me i vështirë. S'ka rritje pagash, pensionesh, jo lehtësira për biznesit që po falimenton çdo ditë. Edi Ramës i duhet gjendja e jashtëzakonshme, pasi po përgatit afera të tjera korruptive mbi rrënojat e korrupsionit. Kërkesa ime është të rrini pranë qytetarëve, të ngrini zërin për padrejtësitë ndaj tyre. Edi Rama po zvarrit miratimin e reformës zgjedhore, sepse nuk do që të bëjë zgjedhje të lira dhe të ndershme. Zgjedhjet, kusht për nisjen e negociatave të Shqipërisë me BE. Pas festave, do të prezantojmë para qytetarëve propozimet tona për reformën zgjedhore dhe kërkojmë që brenda muajit janar të miratohet reforma dhe t'i hapet rrugë zgjedhjeve vendore dhe të përgjithshme sa më shpejt. 3 janë pikat kyçe. 1. Zgjedhje të parakohshme, të lira e të ndershme. 2. Bllokimi i reformës zgjedhore konsensuale nga Rama duhet të na gjejë të gatshëm të marrim çdo vendim. 3. Angazhim konkret i forumeve për të shpalosur alternativen tonë, e cila po finalizohet"theksoi kreu i PD- së. Basha tha së është i hapur të pranojë në parti çdo person që kundërshton regjimin e Ramës. Më tej Basha ka vënë theksin tek zgjerimi i koalicionit opozitar, pasi si
JORIDA TABAKU
Ish- deputetja Jorida Tabaku dëgjoi dje shqetësimet e disa bizneseve në Tiranë. "Oferta lidhet me taksën e sheshtë prej 9%, vendosjen e pullës fiskale që asnjë agjent tatimor qendror apo lokal mos të sillet si xhambaz, bizneset e vogla do të tatohen me 1.5% të xhiros. Subvencionime dhe lehtësim të konsumit përmes politikave fiskale", tha ish deputetja e PD.
pas tij, ky veprim është një hap i parë që garanton rotacionin politik.
AKUZAT
Dënimin e Ervin Salianjit, Lulzim Basha e konsideroi si një dënim politik, sepse denoncoi përfshirjen në trafik droge të Ministrit të Brendshëm. Z. Basha gjatë mbledhjes me ish- grupin parlamentar tha se ministri i Brendshëm të mbushi me kanabis Shqipërinë dënohet me shërbim prove, ndërsa Ervin Salianji që e denoncoi dënohet me burgim. "Ervin Salianji mori dënim politik, sepse denoncoi përfshirjen në trafik droge të ministrit të Brendshëm. Dënimi i Salianjit tregon se si po e përdor Rama drejtësinë. Tahiri, që kanabizoi Shqipërinë me Ramën, dënohet me punë në shërbim te komunitetit, Salianji që denoncoi trafikun e drogës, dënohet me burg", mësohet të ketë thënë Basha. Sipas tij, "qëllimi i Edi Ramës është mbyllja e gojës se opozitës për faktin e vetëm se kemi zbuluar dhe denoncuar lidhjet e këtij pushteti me krimin, vjedhjen e fondeve, korrupsionin dhe PPP korruptive". Ai u ndal edhe tek ligji i miratuar për mediat, duke nënvizuar se synimi është që t'u bëhet presion që të mos publikohen abuzimet dhe korrupsioni. "Gjendja ekonomike dhe kriza politike është renduar pas dështimit të qeverisë për të menaxhuar pasojat e tërmetit dhe përpjekja kriminale për të mbyllur gojën mediave. Rama kërkon t'u mbylle gojën mediave, duke i bere presion kujtdo që hedh dritë mbi abuzimin dhe korrupsionin. Edi Rama zgjati gjendjen e emergjencës jo për t'u ardhur ne ndihme qytetareve, por për të justifikuar mungesën e vullnetit te tij për të plotësuar kushtet e vendosura nga Bundestagu, pa te cilat Shqipëria nuk avancon dot në rrugën e integrimit", u shpreh z. Basha.