Guvernatori Sejko: Të angazhuar në përmbushjen e prioriteteve të integrimit
BSH nis zbatimin e projektit të tretë për përafrimin e legjislacionit me BE- në Integrimi, Banka Shqiptare prezanton projektin për përafrimin e legjislacionit
Banka e Shqipërisë pre zantoi të enjten pro jektin e binjakëzimit "Fuqizimi i përafrimit të Bankës së Shqipërisë me legjislacionin e BE- së". Ky projekt do të financohet nga Bashkimi Europian dhe do të zbatohet në partneritet me Bankën e Italisë dhe Bankën e Gjermanisë. Guvernatori Gent Sejko tha se objektivat e përsosjes afatgjatë të Bankës së Shqipërisë përkojnë me përafrimin e kuadrit të saj ligjor, rregullator dhe operacional, me atë të Sistemit Europian të Bankave Qendrore. Ambasadori italian në Shqipëri, Alberto Cutillo, tha se Banka e Shqipërisë është një nga institucionet më të forta dhe më profesionale në vend, ndërsa ky projekt do të afrojë edhe më shumë me standardet e institucioneve homologe europiane. Në dekadën e fundit, Banka e Shqipërisë ka zhvilluar disa projekte bashkëpunimi dhe binjakëzimi me bankat qendrore të vendeve të Bashkimit Europian, me qëllim zhvillimin e mëtejshëm të kapaciteteve të institucionit.
TAKIMI
Banka e Shqipërisë nisi zbatimin e projektit "Forcimi i kapaciteteve të Bankës së Shqipërisë, në kuadër të përafrimit me legjislacionin e Bashkimit Evropian", i financuar nga fondet e Bashkimit Evropian. Guvernatori i Bankës së Shqipërisë, Gent Sejko, tha se ky projekt është konceptuar dhe udhëhequr nga Banka Qendrore Evropiane, në partneritet me 11 banka qendrore të Bashkimit Evropian. Duke shpresuar që pranvera e 2020 do të hapë dritën jeshile të negociatave, Sejko tha se Banka e Shqipërisë mbetet një institucion plotësisht i angazhuar në përmbushjen e prioriteteve që rrjedhin nga procesi i integrimit evropian. Objektivat madhorë të përsosjes afatgjatë të institucionit përkojnë me përafrimin e kuadrit të saj ligjor, rregullator dhe operacional, me atë të Sistemit Evropian të Bankave Qendrore. Projekti i parë i binjakëzimit u zbatua gjatë vitit 2012- 2013 dhe ashtu si sot, Banka e Italisë në atë kohë, në partneritet edhe me Bankën e Francës kontribuoi me sukses në arritjen e rezultateve konkrete në 6 fusha të rëndësishme të veprimtarisë së Bankës së Shqipërisë. Projekti i dytë "Identifikimi i nevojave për përafrimin e Bankës së Shqipërisë", i financuar nga fondet e BE- së, u udhëhoq nga Banka Qendrore Evropiane dhe u zbatua gjatë vitit 2014. Projekti me kohëzgjatje 6mujore synonte vlerësimin e kuadrit ligjor, rregullator dhe operacional të Bankës së Shqipërisë, në krahasim me standardet dhe praktikat më të mira të bankave qendrore evropiane. Nga ky këndvështrim duhet nënvizuar se rekomandimet e lëna në përfundim të projektit përbëjnë listën e prioriteteve kryesore për përafrimin institucional të Bankës së Sh
qipërisë me modelin e Sistemit Evropian të Bankave Qendrore. Më tej, për të mundësuar adresimin e prioriteteve të sipërpërmendura, Komisioni Evropian vendosi të akordojë një mbështetje financiare në vlerën 800 mijë euro, si pjesë e Instrumentit të Para
Anëtarësimit të vitit 2015. Pas një procesi të gjatë konsultimesh dhe shkëmbimi informacionesh, për herë të parë nga vetë ekspertët e Bankës së Shqipërisë u përgatit projekti i binjakëzimit, i cili iu dorëzua delegacionit evropian të akredituar në Shqipëri. Në përfundim
të procesit përzgjedhës, fituese për zbatimin e projektit të Bankës së Shqipërisë, rezultuan Banka e Italisë dhe Banka e Gjermanisë. Pjesë e skuadrës fituese për lëvrimin e komponentëve të veçantë do të jenë dhe Banka e Francës dhe Banka Kombëtare e Rumanisë.