"Qeveri e re", Basha: Nga zgjidhja e krizës politike, varet ekonomia
"Jo qeveri që pasurohet mbi rrënojat e tërmetit"
Lideri i opozitës Lulzim Basha shprehu dje shqetësimin se vendi ndodhet në një krizë të plotë humanitare, ekonomike, sociale, politike dhe kushtetuese. Sipas Bashës, zgjidhja e kësaj krize duhet të nisë me përpjekjet e të gjithë shqiptarëve pa dallime partiake, për të pasur një qeveri të përgjegjshme. Në një videomesazh pas vizitës nga Thumana, kryeopozitari Lulzim Basha akuzoi strukturat shtetërore se nuk po veprojnë për t'i ardhur në ndihmë qytetarëve. Ai akuzon qeverinë e Edi Ramës se po pasurohet mbi rrënojat e tërmetit. Basha pohon se Thumana nxori në pah papërgjegjshmërinë dhe dështimin e qeverisë së Ramës. Sipas Bashës, vdekja e banorëve të Thumanës i "faturohet" shtetit, pasi shton faktin, se pallatet e dëmtuara nga tërmetet e mëparshme nuk u morën në konsideratë.
FTESA
Ftesës së vazhdueshme të kreut të qeverisë për bashkëpunim pas tërmetit, por edhe ironisë pas mbledhjes së kryesisë, Lulzim Basha iu kundërpërgjigj me akuza. Pas vizitës në Thumanë, nëpërmjet videomesazhit kryetari i opozitës u shpreh se është alarmante gjendja e banorëve të pastrehë. "Dëshpërimi mbretëron kudo, varfëria është thelluar dhe tashmë ka nisur një pasojë tjetër e tmerrshme e kësaj krize humanitare", u shpreh kreu I PD- së. Fajin ia adresoi qeverisë. "Jemi në një krizë humanitare, me përmasa të plota, e cila vetëm sa do të thellohet. Sepse shteti nuk po vepron. Qeveria dhe kryeministri e kanë mendjen tek parada mediatike, propaganda dhe po bëjnë gati të ngrenë mbi rrënojat e tërmetit një tjetër megaaferë korruptive, vjedhje, zhvatje dhe gra
KRIZA
"Jemi në një krizë humanitare, me përmasa të plota, e cila vetëm sa do të thellohet. Sepse shteti nuk po vepron. Qeveria dhe kryeministri e kanë mendjen tek parada mediatike, propaganda dhe po bëjnë gati të ngrenë mbi rrënojat e tërmetit një tjetër megaaferë korruptive, vjedhje, zhvatje dhe grabitje", - deklaroi z. Basha.