Pajisja me kasat fiskale, KLSH: Dështon mbledhja e të ardhurave

Pas

një auditimi për performancën e pajisjes me kasa fiskale gjatë dekadës së fundit, Kontrolli i Lartë i Shtetit del në konkluzionin se Drejtoria e Përgjithshme e Tatimeve dhe Ministria e Financave kanë dështuar në mbledhjen e të ardhurave dhe luftën ndaj evazionit fiskal. Kjo sipas KLSH- së, për shkak të mungesës së objektivave dhe një strategjie efektive. Politikëbërja në dekadën e fundit ka rritur vetëm masat ndëshkimore ndaj biznesit. Pajisja me kasa fiskale e bizneseve gjatë 10- vjecarit të fundit nga ana e Drejtorisë së Përgjithshme të Tatimeve dhe Ministrisë së Financave nuk ka sjellë përmirësim në mbledhjen e të ardhurave dhe uljen e evazionit fiskal. Është ky përfundimi i një auditimi të kryer nga ana e Kontrollit të Lartë të Shtetit, i miratuar nga kreu i këtij institucioni në fund të dhjetorit 2019. Auditimi i performancës me temë "Efektiviteti i kasave fiskale në rritjen e të ardhurave tatimore" të ushtruar në Tatime e Financa u shtri edhe në 6 Drejtori Rajonale Tatimore. Nga auditimi thotë KLSH rezulton se shuma prej 46.5 milionë euro të shpenzuara për 27 lloje të kasave fiskale në përdorim nuk ka sjellë ndonjë përmirësim të dukshëm në të ardhurat tatimore nga TVSH- ja e brendshme apo nga Tatimi i Fitimit. Nga 155 mijë kasa të instaluara në total, 3 të 4- tat e tyre janë vendosur te biznesi i vogël. Në krahasim me vitin 2009, ka rënë ndjeshëm pesha e të ardhurave nga TVSH,- ja që mblidhet nga tatimet. KLSH- ja raporton se në 2009- ën tatimet mblidhnin 30% të TVSH- së totale, ndërsa për periudhën nga 2010- 2018, pesha mesatare e TVSH- së së mbledhur nga tatimet ishte 24%. Pra, pavarësisht rritjes së xhiros së raportuar nga kasat, ajo që konstatohet sipas KLSH në periudhën 2017- 2018 është ulja e raportimit mesatar për kupon. KLSH- ja vëren përmes auditimit se mungesa e objektivave dhe e një strategjie për pajisjet fiskale ka çuar edhe në dështimin e luftës kundër informalitetit dhe evazionit Fiskal. Përkundrazi, politikëbërja në dekadën e fundit ka rritur vetëm masat ndëshkimore ndaj biznesit.