Nëse nuk krijohet qeveria, nga 1 marsi s'realizohet asnjë pagesë në Kosovë, përveç borxhit publik
Rafuna: Situata është e nderë për faj të partisë fituese
LULËZIM RAFUNA
"Sa i përket të formimit të qeverisë, sa më shpejt që të ketë qeveri është më mirë për vendin dhe për institucionet, por nuk ka ndonjë afat ligjor se kur duhet të ketë qeveri", tha shefi i Financave, Lulëzim Rafuna. cave i ka ndërmarrë të gjitha hapat dhe ka përgatitur buxhetin siç ka qenë e obliguar me ligjin për menaxhimin e financave publike dhe një draft është final në Ministri të Financave, i cili është i gatshëm që në rrethanat ku ndodhemi sot që të përcillet për në Kuvendin e Republikës së Kosovës. Ligji për Menaxhimin e Financave Publike nuk njeh ndonjë term me përjashtim të termit qeveri, nuk njeh qeveri në dorëheqje, qeveri në detyrë, opinioni i Gjykatës Kushtetuese, ose më saktë opinioni i Gjykatës Kushtetuese nuk ia konteston qeverisë e cila është sot në detyrë që të marrë vendime", thotë ai. Këshilltari i ish- ministrit të Financave, Bedri Hamza shpjegon se buxheti i vitit 2019 mund të shfrytëzohen vetëm dy muajt e parë të vitit 2020. Ndërsa për muajin mars duhet një vendim i Kuvendit. "Janë dy situata Ligji i Menaxhimit të Financave Publike parasheh se në qoftë se e ka pasur zgjedhje 4 muaj para vitit fiskal, atëherë muaji i parë dhe i dytë janar dhe shkurt do të implementohet buxheti i vitit 2019 dhe shkon ndarja 1/ 12 e tutje; në rast se Kuvendi i Republikës së Kosovës nuk ndërmerr veprime për të sjellë një vendim, kjo nënkupton që më 1 mars asnjë pagesë tjetër nuk mund të bëhet me përjashtim të borxhit publik ndërkombëtar", thotë ai. "Në rast se Kuvendi i Republikës së Kosovës sjell një vendim që e mbulon në implementimin e buxhetit të vitit 2019, atëherë nënkupton që prill një mars asnjë pagesë nuk mund të bëhet me përjashtim të bëhet me përjashtim të borxhit publik ndërkombëtar. Kemi dy situata. Situata e parë kur nuk sjell vendim atëherë çdo gjë ndërpritet më 1 mars dhe situatën e dytë e kemi në rast se Kuvendi sjell vendim për muajin mars, gjithçka ndërpritet në datën 1 prill dhe çdo pagesë brenda nuk mund të bëhet me përjashtim të borxhit publik ndërkombëtar", thotë ai. Zgjedhjet e parakohshme parlamentare u mbajtën më 6 tetor dhe nga atëherë Kosova ka mbetur pa institucione. kjo si shkak e neglizhencës së partisë fituese, e cila nuk po gjen formulë për sigurimin e shumicës parlamentare për formimin e qeverisë.