Teheran, protesta për avionin e rrëzuar në Iran

Familjarët e viktimave protestojnë me zemërim ndaj qeverisë Ukraina: Të kërkojnë falje zyrtare për ngjarjen

Manifestues të shumtë zbritën në sheshet kryesore të Teheranit për të protestuar, pasi autoritetet iraniane pranuan që kishin hedhur gabimisht avionin ukrainas, duke shkaktuar vdekjen e 176 pasagjerëve, pjesa më e madhe e tyre iranianë. Thuhet se ka pasur edhe shkëmbim zjarri. Sipas agjencisë iraniane të lajmeve ISNA, qindra pjesëmarrës morën dje pjesë në protesta në universitetin Shahid Beheshti dhe Allameh Tabataba'i. Ata bënë homazhe dhe ndezën qirinj për 176 personat që humbën jetën në fillim të javës, kur Garda Revolucionare e Iranit rrëzoi gabimisht një avion ukrainas. Pas mohimesh të forta, Garda Revolucionare e Iranit pranoi dje përgjegjësinë për rrëzimin e avionit. Sipas raporteve të pakonfirmuara të mediave janë raportuar protesta në disa pjesë të Teheranit. Demonstratat duhej të ndaloheshin nga policia, që përdori gaz lotsjellës. Disa manifestues kanë kërkuar edhe dorëheqjen ayatollah Ali Khamenei: "Komandat jep dorëheqjen" dëgjohet në një video të publikuar, ku shfaqen qindra persona përpara universitetit të Amir Kabir. Dëshmitarët kanë thënë që policia ka përdorur kundër protestuesve gaz lotsjellës dhe armë, duke i kërcënuar se do i vrisnin. Shumë personazhe të famshëm, mes tyre artistë, aktorë dhe sportistë kanë postuar në faqet "Twitter" dhe "Instagram" mesazhe solidariteti për viktimat e aksidentit ajror dhe kanë shprehur kritika kundër sistemit. Grupi i protestuesve u mblodh në Teheran të shtunën për të mbajtur homazhe për viktimat e avionit të rrëzuar në fillim të kësaj jave. Të afërm e miq të atyre që mbetën të vdekur gjatë incidentit u mblodhën pranë universitetit të Teknologjisë Amirkabir. Ata shprehën zemërimin ndaj qeverisë iraniane dhe bënë thirrje për dorëheqje të udhëheqësve të vendit lidhur me ngjarjen. Teherani tha të shtunën se ushtria iraniane kishte goditur gabimisht aeroplanin ukrainas, incident që shkaktoi vdekjen e të 176 personave në bord. Qeveritë e huaja e dënuan këtë veprim. Ukraina kërkoi kompensim të familjeve të viktimave, ndërsa një zyrtar amerikan e quajti veprimin e Iranit të pamatur. Por, Britania tha se pranimi i përgjegjësisë nga ana e Teheranit ishte një hap i parë i rëndësishëm dhe bëri thirrje për ulje të tensioneve. Në komentet e tyre në "Facebook", iranianë të trishtuar nga humbja e të afërmve e miqve thanë se autoritetet iraniane kishin shpenzuar më shumë kohë për t'u mbrojtur nga kritikat, sesa të shprehnin keqardhje për familjet e viktimave. Nga ana tjetër, Ukraina ka kërkuar nga Irani të kërkojë zyrtarisht falje, pasi Teherani pranoi më herët se kishte rrëzuar pa dashje avionin ukrainas, duke shkaktuar vdekjen e të gjithë pasagjerëve në bord. "Ky mëngjes nuk ishte i mirë, por ajo solli të vërtetën. Edhe para përfundimit të punës së komisionit ndërkombëtar hetimor, Irani e pranoi fajin e tij", tha presidenti i Ukrainës, Volodymyr Zelensky, përmes një postimi në "Facebook". "Por ne insistojmë për një pranim faji të plotë. Ne presim nga institucionet e Iranit gatishmërinë për një hetim të plotë dhe të hapur, sjelljen e përgjegjësve para drejtësisë, kthimin e trupave të viktimave, pagesën e kompensimit dhe kërkim faljeje zyrtare përmes kanaleve diplomatike", ka shtu

HOMAZHE ME PLUMBA

Thuhet se ka pasur edhe shkëmbim zjarri. Sipas agjencisë iraniane të lajmeve ISNA, qindra pjesëmarrës morën dje pjesë në protesta në universitetin Shahid Beheshti dhe Allameh Tabataba'i. Ata bënë homazhe dhe ndezën qirinj për 176 personat që humbën jetën në fillim të javës, kur Garda Revolucionare e Iranit rrëzoi gabimisht një avion ukrainas.

ar Zelensky. Shtabi i Përgjithshëm i Forcave të Armatosura të Iranit më herët njoftoi se avioni ukrainas u godit "aksidentalisht" nga sistemi iranian i mbrojtjes ajrore. Avioni Boeing 737- 800 i linjës ajrore të Ukrainës u rrëzua të mërkurën menjëherë pas ngritjes nga aeroporti ndërkombëtar "Imam Khomeini" i Teheranit, vetëm disa orë pasi Garda Revolucionare shkrepi dhjetëra raketa balistike në drejtim të bazave ku ishin vendosur trupat amerikane në Irak në shenjë hakmarrjeje për vrasjen e Qasem Soleimanit, kreut të forcës elitare Kuds të IRGC- së, pranë aeroportit ndërkombëtar të Bagdadit në një sulm me dron. Në këtë aksident jetën humbën të gjithë 176 personat në bord, ndërkohë që në mesin e udhëtarëve kishte shtetas iranianë, kanadezë, ukrainas, suedezë, afganë, gjermanë dhe britanikë.

"Ky mëngjes nuk ishte i mirë, por solli të vërtetën. Edhe para përfundimit të punës së komisionit ndërkombëtar hetimor, Irani e pranoi fajin", tha presidenti i

Ukrainës, Volodymyr Zelensky.